Nota de prensa:
BURELA OPTA POLA VISIBILIDADE DA BANDEIRA AZUL PARA CERTIFICAR A XESTIÓN AMBIENTAL DOS SEUS AREAIS.
Burela, 6 de xaneiro de 2011. O Concello de Burela decidiu optar pola visibilidade da bandeira azul para certificar a xestión ambiental dos seus areais. Na consecución deste galardón concentraránse os recusos dispoñibles.
A edil de Medio Ambiente, Patricia López Eijo, sinalou que “vivimos tempos nos que a optimización dos recursos ten que ser a prioridade máxima que guíe a actuación das administracións locais. Por ese motivo desde a Delegación de Medio Ambiente se analizou, atendendo a criterios de seriedade e rigor, cal é a día de hoxe o mellor camiño para abordar a xestión ambiental dos areais bureleses”.
A concelleira popular indicou tamén que “partindo do coñecemento de que o compromiso da Deputación de Lugo par levar adiante a implantación de Sistema de Xestión Ambiental, segundo a norma ISO 14.001 e EMAS, é puntual e os custes económicos para a continuidade dos mesmos no tempo son inasumibles, dispuxemos desde o equipo de goberno concentrar os recursos dispoñibles na dotación dos areais e na consecución da renovación da bandeira azul, outorgada pola Fundación Europea de Educación Ambiental, cada día máis esixente e plenamente garante da correcta xestión ambiental das praias municipais”.
López Eijo subliñou que “a certificación ISO 14.001 e bandeira azul adoptan criterios distintos e cumprilos suponlle un custe económico ao Concello. Neste momento os recursos son limitados e desde o Concello de Burela non podemos afrontar actualmente ambos custes, de aí que decidísemos centrarnos na bandeira azul”.
A concelleira de Medio Ambiente adiantou que “este ano non se pedirá a bandeira azul para a praia de Ril, que xa non contou con ela no 2011, porque sabemos que o areal non reúne os requisitos esixidos e non hai posibilidade económica de facer as melloras pertinentes para que a praia cumpra”. Patricia López Eijo sinalou que “ao mellor a praia de O Portelo non conta coa bandeira azul debido á neglixencia do anterior equipo de goberno co emisario submarino, que ocasionou un montón de problemas que tivemos que solucionar nós nada máis chegar ao Concello. O seu arranxo supuxo un custe de 30.000 euros”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
