Nota de prensa
O LUNS REÚNESE A XUNTA DE PERSOAL DO CONCELLO. REPRESENTANTES MUNICIPAIS E SINDICAIS ABORDARÁN CUESTIÓNS COMA A XORNADA LABORAL, O CONVENIO COLECTIVO OU A RPT.
Burela, 14 de xaneiro de 2012. O vindeiro luns, 16 de xaneiro, terá lugar unha reunión da xunta de persoal no Concello de Burela para abordar cuestións coma a xornada laboral, o sistema dixital de control de entrada e saída dos traballadores municipais, o convenio colectivo e a relación de postos de traballo. Ao encontro, que dará comezo ás 10:30 horas asisten os representantes sindicais do persoal funcionario e do persoal laboral, o alcalde, José Mª González Barcia, e o concelleiro delegado de Persoal, José Casas.
Segundo explica o rexedor “na xuntanza do luns váise proceder á adaptación da xornada laboral ao Real Decreto Lei 20/2011 de 30 de decembro, de medidas urxentes en materia presupostaria, aprobado polo goberno do Estado. E tamén se vai explicar o funcionamento do sistema dixital de control de entrada e saída dos traballadores municipais”.
Outro dos asuntos que se abordarán será a negociación do convenio colectivo. González Barcia indica que “o que hai agora tiña data de caducidade a finais do 2010. E o que se fixo foi agardar á celebración das eleccións sindicais do persoal laboral co fin de poder levar adiante a negociación co novo comité de empresa”. Estas reunións serán os primeiros e terceiros luns de cada mes. O alcalde burelés confía en que “si todo discorre con normalidade a negociación estea concluida nun prazo máximo duns catro meses”.
José María González Barcia sinala que “tamén estamos pendentes da elaboración da nova relación de postos de traballo. Queremos saber si a Deputación Provincial de Lugo se vai encargar desto. Si se demora nós colleríamos a actual RPT, que está vixente e que foi aprobada polo PP no seu anterior mandato, co obxectivo de adaptala ás circunstancias actuais”.
O alcalde de Burela prevé que a negociación do convenio colectivo do concello se prolongue uns catro meses
Relacionado
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
