Lourenzá tamén é España
Estes días son moitas as voces que se expresan en torno a un drama persoal como é a perda do traballo. Na miña opinión é un erro facelo desde unha perspectiva partidista. Máis en todo caso cómpre non ficar calados e achegar unha serie de reflexións.
Muebles Hermida é un referente na Mariña Central, o vivo exemplo de empresa familiar que durante anos foi, e segue a selo hoxe un dos grandes alicerces de emprego na Mariña Central.
Na nosa comarca as consecuencias da crise económica chegaron máis tarde, pero tamén nos están a afectar. As empresas de Lourenzá, ao igual cás do resto da Mariña tamén se ven prexudicadas polas nefastas políticas levadas adiante polo Goberno Central cuxa consecuencia directa é que o noso pais afondara máis na actual crise económica que se está a sufrir. Crise que nin foi exclusivamente planetaria nin financeira como nos fixeron crer, posto que, partindo do mesmo escenario, uns países levaron adiante políticas que os encamiñan na senda do crecemento e outros en cambio ao borde da ruína.
Ao meu parecer non se tomaron medidas que reactivaran a económica, é dicir, non se creou emprego e desta forma non se freou a caída do consumo. Si non se consume, non se vende, e se non se vende non se pode fabricar, e se non se pode fabricar non fan falla obreiros e aquí nos atopamos ante a problemática que están a sufrir as empresas da nosa comarca. Non hai feitos illados, nin coincidencias, estamos nun mercado global e o que afecta ao conxunto de España, tamén afecta a un concello do Norte de Lugo con pouco máis de 2400 habitantes.
E así nos atopamos en Lourenzá, onde uns e outros políticos andan a sacar tallada a conta dun drama que desgraciadamente está a acontecer en cada unha das comarcas do territorio español. É inxusto, lamentable, patético, groseiro e mesmo de pouca clase política, e sobre todo humana, utilizar a 75 familias, que ante a desesperación da perda dun ben prezado como é o traballo se agarran a calquera esperanza aínda que esta sexa envelenada para embarrar o terreo político.
De político a político, quixera facer un chamamento: Deixen xa de manipular e xogar coa dor tanto das 75 persoas que a día de hoxe xa están no paro, como coa continuidade dos 119 postos de traballo que tan necesarios son en Lourenzá e na Comarca.
María Emma Alvarez Chao
Deputada Autonómica e Concelleira en Lourenzá
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
