O alcalde de Burela explicará a decisión de non subvencionar a entidades deportivas e culturais

Nota de prensa

O ALCALDE REUNIRÁSE O MÉRCORES COS PAIS DOS NENOS QUE PARTICIPAN NAS ESCOLAS DEPORTIVAS DA SD BURELA PARA EXPLICARLLES A DECICIÓN DO EQUIPO DE GOBERNO DE NON CONCEDER POLO MOMENTO SUBVENCIÓNS ÁS ASOCIACIÓNS CULTURAIS E AOS CLUBES DEPORTIVOS. GONZÁLEZ BARCIA SUBLIÑA QUE SE TRATA DUNHA MEDIDA TEMPORAL.

Burela, 2 de xaneiro de 2012. O alcalde, José María González Barcia, manterá o vindeiro mércores, 4 de xaneiro, un encontro cos pais dos nenos que participan nas escolas deportivas da SD Burla para explicarlles a decisión do equipo de goberno de non conceder polo momento subvencións ás asociacións culturais e aos clubes deportivos. O rexedor subliña que se trata dunha medida temporal que ven motivada pola situación económica na que se atopa o Concello.
González Barcia lembrou que “hai uns días anuncióuse desde o equipo de goberno que de momento non ía ser posible conceder ningún tipo de subvención para os clubes deportivos de Burela, tendo en conta a situación económica pola que está a atravesar o Concello a día de hoxe”. O rexedor dixo que “evidentemente ésta non unha decisión que nos guste, nin a min como alcalde, nin aos meus compañeiros, pero é unha decisión que hai que tomar porque o que non podemos facer é prometer o que logo non poderemos cumprir. E ante esto hai que ser serios e actuar con rigor”.
O alcalde burelés explicou que hai uns días mantivo un encontro co presidente da SD Burela “para explicarlle os motivos reais desta decisión, pero tamén para decirlle que si somos capaces de xenerar ingresos adicionais as asociacións culturais e os clubes deportivos recibirán axudas económicas, pero sempre en función desa posibilidade de xenerar ingresos adicionais”. José María González Barcia indicou que “os pais dos nenos que participan nas escolas deportivas da SD Burela queren ter unha xuntanza conmigo e a eles mesmos lles explicarei, coa mesma claridade que ao propio presidente, cales son as circunstancias que nos levaron a tomar esta decisión”. O encontro celebraráse pasado mañá, mércores, ás 19 horas no salón de plenos do Concello de Burela.
Barcia agarda que “sexa unha xuntanza constructiva, que queden as cousas perfectamente claras e se entendan aínda que non se compartan os motivos que nos levaron a tomar esa decisión. Tamén espero que a xente e os pais vexan nesto unha medida circunstancial, non é unha medida que quedará aí per secula seculorum, senón que a situación é a que é. E igual que non nos gusta ter parte do alumeado público apagado tampouco nos gusta tomar esta decisión”. O rexedor engadiu que “non podemos esquecer que nos atopamos cun presuposto do 2011 inflado en 800.000 euros e que os ingresos para o 2012 van baixar substancialmente e nunca serán os contemplados nos orzamentos do ano pasado. Apelando a ese realismo hai que ser consecuentes, actuar con seriedade e con rigor e decir as cousas claras, logo que a xente o comparta eso xa é cuestión de cadaquen, pero o que sí espero e confío é que entendan os motivos que, como dixen antes, nos levaron a tomar esta decisión que non é unha decisión para toda a lexislatura senón todo o contrario, é temporal e dependerá das perspectivas de ingresos que temos para o 2012”.