Nota de prensa
SEIS MESES DE GOBERNO MUNICIPAL DO PP: SEIS MESES PERDIDOS PARA BURELA
Unha vez transcorridos seis meses de goberno municipal do PP en Burela, dende o
BNG, cualificamos estes seis meses como tempo perdido para Burela porque a xestión e o
traballo desenvolvido polo equipo de goberno pode resumirse en:
–
subir os impostos: a auga, os vehículos, o IBI…
–
cobrar por todo: por casar, por usar as instalacións deportivas e municipais, polos
cursos..
–
apagar as luces do pobo sumindo a Burela nunha escuridade incluso perigosa en certos
sitios
–
deixar sen apoio económico os clubs deportivos e enganalos, igual cás asociacións,
prometéndolles que si habería cartos para isto
E, iso si, queixarse e botarlles a culpa a outros (como é consigna do PP en todo o Estado
español) da falta de recursos económicos, unha cantinela que xa está cansando aos veciños e
veciñas de Burela que se preguntan, entón, para que están aí os tres membros do equipo de
goberno que van cobrar 100.000 € ao ano polo seu traballo. Porque o seu traballo, entre
outras cousas, é buscar recursos e ingresos para ofrecer obras e servizos aos seus concidadáns.
E isto é cero polo que se refire ao equipo de goberno do PP en Burela; proba disto son os
plenos bimensuais que non aportan ningún proxecto de futuro nin ningunha xestión nova.
E falando da cantinela das queixas, dicía hai uns días o Alcalde que o anterior equipo de
goberno inflara os ingresos nos orzamentos de 2011 e que, agora ao final do ano, había case
800.000 € menos de ingresos. Pero, coma sempre, o Alcalde quere enganar os veciños de
Burela e non dá toda a información. Non di que a Xunta de Galiza do PP deixou de
subvencionar en case 50.000 € o Plan Concertado de Servizos Sociais (e isto comunicouno ao
final de ano cando o gasto xa estaba feito). Non di que a Xunta de Galiza do PP comunicou
agora en xaneiro que non ía subvencionar os GRUMIRes que estiveron todo o ano pasado
traballando en Burela. Non di que a Xunta de Galiza do PP deixou de convocar este ano pasado
subvencións para deporte, cultura e servizos sociais coas que se contaba, como en anos
anteriores, para determinados servizos. En resumo, non di que unha grande parte destes
ingresos cos que se contaba non chegaron debido aos recortes de última hora da Xunta de
Galiza.
Pero, para explicarlles mellor aos veciños de Burela toda esta falacia do Alcalde sobre os
ingresos eu simplemente lles diría o seguinte: se o PP di que o anterior equipo de goberno
inflou en 800.000 € os ingresos do ano pasado, que temos que dicir dos orzamentos que o PP
fixo para este ano 2012 onde só hai unha diferenza de 200.000 € no capítulo de ingresos.
Quere isto dicir, entón, que o Alcalde e o seu equipo inflaron tamén en 600.000 € os ingresos
para este ano.
Esta é a política do PP: botarlles a culpa a outros e eles non facer nada.
Porque, á parte de apagar luces, deixar aos maiores tirados na rúa, recortar servizos,
deixar os clubs e asociacións sen cartos, subir impostos, poñer unha máquina para fichar o
persoal municipal que, en principio, vai custar 8.000 € e crear dúas prazas de auxiliar
administrativo innecesarias que van custar 30.000 €… que máis fixo o equipo de goberno do PP
en Burela? Nada de nada.
Porque para unha cousas hai cartos pero para outras non: non hai cartos para o deporte,
non hai cartos para luces, non hai cartos para nada… (esa é a excusa da súa ineficacia de
xestión), pero si hai cartos para as tres dedicacións exclusivas do equipo de goberno (100.000
€ ao ano), si hai cartos para dietas do Alcalde e concelleiros (pasaron máis de 2.000 € en dietas
no que vai de mandato) e si hai cartos para que o Alcalde pase dous días de turismo en Madrid
na feira Fitur. Iso si, o Alcalde di que conseguiu colocar o bonito de Burela no catering
dalgunha etapa da Volta Ciclista a España. Unha grande xestión dun grande impacto
económico… se chega a bo porto
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
