Nota de prensa:
O BNG esixe ao goberno municipal solucións diante dos constantes problemas co abastecemento da nova rede e estación de tratamento de auga da Senra.
Na mañá de hoxe varios núcleos de poboación sufriron novos cortes de subministro e a auga non foi apta para o consumo polos lodos en suspensión que traía.
Os nacionalistas cren que o goberno local debería esixir responsabilidades á empresa privada que xestiona a planta de tratamento da Senra.
Cervo, 24 de xaneiro de 2011. Na mañá de hoxe volvéronse producir cortes no subministro de auga en varios núcleos de poboación do concello despois de que a planta de tratamento da Senra tivese que parar a súa actividade. Na capitalidade municipal sufriron especialmente as consecuencias ao retomarse o abastecemento xa que a auga non servía para o consumo pola carga de lodos acumulada, segundo a información recollida polos nacionalistas, a recuperación da normalidade levará varios días e causou graves problemas non só a vivendas e establecementos comerciais e de hostalería senón que os operarios municipais tiveron que empregarse a fondo para evitar danos maiores nas redes locais. O BNG esixe ao goberno local que goberne e esixa responsabilidades a quen compete, empezando pola empresa privada que construíu e xestiona na actualidade a Estación Depuradora da Senra.
A cidadanía e o propio concello non pode pagar as consecuencias dunha infraestrutura que funciona mal, e si ten defectos estruturais deberían corrixirse de inmediato.
O BNG por medio do seu portavoz municipal, Xoán Antón Estúa García, “esixiu ao goberno municipal que exerza como tal e pida responsabilidades a quen competa, empezando pola empresa privada que construíu e xestiona a nova rede xeral e a estación depuradora e finalizando por Augas de Galiza que debería velar pola calidade dun servizo b´sico no que ten competencias directas”. Estúa reclamou aos responsábeis municipais que non eludan as súas responsabilidades, “si hai defectos estruturais no sistema haberá que solucionalos con urxencia e si a estación depuradora está mal xestionada tamén.”. Ao nacionalista non lle parece normal que a cidadanía teña que facer gastos instalando filtros para evitar os efectos da mala calidade do abastecemento de auga ao mesmo tempo que paga no recibo por consumo unha obra que non funciona en óptimas condicións.
O CEIP de Cervo tivo que servir o menú de hoxe con empanadas pola e as casas e establecementos comerciais e hostaleiros non puideron facer uso da auga da rede pública.
O BNG explicou que estes problemas traen gastos engadidos á poboación xa que os efectos do corte e a posterior mala calidade da auga unha vez recuperado o subministro obrigaron por exemplo ao CEIP de Cervo a suplir o menú previsto por empanadas e vivendas particulares, comercios e establecementos de hostalaría tiveron que facer gastos extra para contar con auga potábel. A Estúa non lle parece de recibo que estas situacións empecen a ser habituais en Cervo tendo unha instalación nova e reclamou ao goberno municipal que tome as medidas necesarias para solucionar dunha vez por todas esta situación.
Ademais dos particulares, o concello tamén paga as consecuencias do mal funcionamento das instalacións.
Os nacionalistas tamén chamaron a atención sobre o gasto que causa os defectos e mal funcionamento da infraestrutura. Para Estúa non é normal que nunha rede nova rebenten as tubarias ao pouco tempo de funcionamento como sucede entre o encoro de Rúa e a estación de tratamento da Senra, como tampouco é normal que ninguén asuma a factura dos gastos que ocasiona que o persoal dos servizos de obras do concello teñan que ocuparse de atender os problemas nas redes locais derivados dun problema na rede xeral que construíu e xestiona unha mesma empresa privada.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
