O Concello de Viveiro valora que “a Cabalgata de Reis foi un éxito, grazas ao traballo de todas e todos”

NOTA DE PRENSA

“A Área de Obras, Cultura e Turismo, do Concello de Viveiro, amosa a súa satisfacción polo resultado da Cabalgata de Reis máis participativa dos últimos anos”

“A Cabalgata de Reis foi un éxito, grazas ao traballo de todas e todos”

“Milleiros de veciñas e veciños de Viveiro e de Concellos limítrofes, encheron as rúas Viveiro, para disfrutar do paso dos Reis Magos o pasado xoves, no seu percorrido dende Celeiro, pasando por Covas, ata a Praza Maior de Viveiro”

Os nacionalistas, Bernardo Fraga, responsable da área de Obras, Cultura e Turismo e Olaia Casas, Concelleira de Cultura, aseguraron no día de hoxe: “Queremos agradecer públicamente o esforzo e sacrificio das ANPAS de todos os Colexios do Concello de Viveiro (ANPA CEIP COVAS, ANPA CEIP LOIS TOBÍO, ANPA CEIP GALDO, ANPA CEI SAN ROQUE, ANPA CEIP CELEIRO, ANPA COLEXIO LANDRO-VIVEIRO), á Asociación ASPANANE, polo seu traballo na montaxe e deseño das Carrozas da Cabalgata de Reis, conseguindo unha Cabalgata na que participaron moitísimas nenas e nenos, e que fixo disfrutar a todas as veciñas e veciños que encheron as rúas de Viveiro para disfrutar do seu paso”

“Tamén agradecemos a colaboración do Centro Comercial Casco Histórico de Viveiro, e da ACET “Praia de Covas”, de todas as persoas que participaron no desfile de xeito desinteresado, así como dos medios de seguridade”

Olaia Casas, declarou “o obxetivo deste ano era que participaran o maior número de nenas e nenos posible, tanto na propia cabalgata, como na elaboración das carrozas, para acadar unha amplia mellora no deseño e decoración de todas e cada unha delas”.

“Dende o Goberno Municipal, estamos moi satisfeitos co éxito da Cabalgata de Reis e comezaremos a traballar dende xa, da man das Anpas, e de todas as asociacións e colectivos que desexen colaborar, para a Cabalgata do ano que ven”