Nota de prensa
O EQUIPO DE GOBERNO CONSIDERA QUE EN POLÍTICA DE PERSOAL O PSOE NON É QUEN DE DAR LECCIÓNS A NINGUÉN. OS POPULARES AFIRMAN QUE OS SOCIALISTAS DEIXARON UN PUFO DE OITOCENTOS MIL EUROS DO QUE NON FALAN E LEMBRAN QUE O ANTERIOR ALCALDE NON ERA PRECISAMENTE MOI TRABALLADOR.
Burela, 21 de xaneiro de 2012. O equipo de goberno do Concello de Burela saiu hoxe ó paso da nota de prensa emitida polo PSOE local, manifestando que “en política de persoal, o PSOE non é quen de dar leccións a ninguén: quen provocou máis de cinco millóns de parados, quen recortou as pensións, non pode agora predicar”.
Os populares afirman que “durante o bipartito, a política de persoal foi un desastre: un convenio colectivo que xa tiña que estar aprobado hai un ano, e que vai ter que negociar o PP; unha relación de postos de traballo que leva catro anos agardando ver a luz, e que vai ter que facer o PP; determinados privilexios laborais que había e que tivo que correxir o PP, etc. Ese é o balance da política de persoal do bipartito, por certo, cunha concelleira de Persoal, que durante unha temporada sí que era unha auténtica espía”.
Desde o equipo de goberno consideran que “os socialistas son algo cínicos, porque onde gobernan eles, enténdase a Deputación de Lugo, sí que puxeron en marcha un sistema electrónico de control de horario, e cando estiveron na Xunta non sacaron o que xa había implantado. Polo tanto, non deben alarmarse, porque o que se vai implantar é algo absolutamente normal en administracións e empresas”. Ademais, os populares cren que “os socialistas queren usar aos propios traballadores como arma política, e non o imos consentir, non entraremos na manipulación das persoas”.
Tamén aseguran que “ao mellor o que acontece é que como o anterior alcalde non predicaba moito co exemplo no que a traballo se refire, non lle gusta que haxa un control por parte da administración local”.
Por eso que “a nivel de xestión, pouco ou nada pode decir: o plan de obras da Deputación tocoulle a Burela non porque o xestionara o alcalde, senón porque era para determinados concellos de certa entendida de poboación. Non moveron un só papel sobre o parque eólico e agora temos cáseque imposible rescatalo. Dous anos agardando polas promesas do anterior alcalde sobre as alegacións sobre o corredor Barreiros-San Cibrao, e vanse do goberno sen ter contestado.En catro anos non foron capaces de rematar Torrentes, etc. Esta é a xestión do bipartito”.
No que se refire á xestión que está a facer o PP no Concello de Burela, hai datos evidentes: rebaixa da cantidade que se lle adebeda a Espina; posta a disposición de solo para unha futura ampliación do Hospital da Costa; próximo remate do estudio de reordenación da dársena interior do porto; remate das obras de Torrentes; novas prazas gratuitas para aparcamento, etc. “Non hai millor cego ca o que non quere ver”.
O equipo de goberno no Concello de Burela reitera a grave situación económica herdada do bipartito, “o certo é que dos oitocentos mil euros de pufo non din nada, o que demostra que non lles importa en absoluto como se gastan os cartos de todos. Pero exemplos hai, que a cidadanía é bon que lembre: débeda de trescentos mil euros con Espina, retrasos de hasta dez meses nos pagos a Sogama e Celtaprix, retraso ¡dun ano! en pagar facturas das festas de 2010, retraso tamén dun ano en pagar a presencia de Burela en Xantar de Ourense, etc. Pero eses oitocentos mil euros nunca se van ingresar. Estes son os pufos que deixou o bipartito e xa veremos como se van tapando…”.
Finalmente, os populares pídenlle ó PSOE que faga oposición constructiva, “tén cinco concelleiros, e en seis meses só presentaron unha moción. Ésta é a oposición que fan os socialistas, carente totalmente de traballo”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
