Nota de prensa
O Mos, aliado coa sorte, levou os puntos de Ribadeo (1-2)
O Panificadora del Eo-Ribadeo FSF rubricou a súa mellora ante os grandes. Se a xornada anterior llo puxo moi difícil ao Marcón, cuarto clasificado, para levar os 3 puntos de Ribadeo, máis difícil llo puxo ao Concello de Mos, segundo, que aliado coa sorte conseguiu o gol da vitoria a falta de 23 segundos para o final (1-2).
O equipo visitante saíu a resolver nos primeiros instantes do encontro, pero a organizada defensa das locais freou todo achegamento á súa portería. Só desde os 10-12 metros conseguiron as pontevedresas pór en apuros a porteira Antía. A pesar da lesión de María cando transcorría o minuto 3, paso a paso, o Panificadora ía adiantando as súas liñas e xa a mediados da primeira metade, Nuria en varias ocasións, Sabela e Elena puñan cerco á portería de Asun.
Con 0-0 na continuación ambos os equipos intentaron adiantarse no marcador, pero foron as locais as que os conseguiron antes, por mediación de Nuria de forte disparo axustado ao pau desde a frontal da área visitante. Foi a partir deste momento cando as visitantes se aliaron coa sorte e un minuto máis tarde Silvia conseguiu o empate ao atoparse cun balón rexeitado por Antía ao saque dunha falta. As ribadenses seguían co seu empeño de gañar o partido e así Nuria estrelou un balón na madeira. Pouco máis tarde Asun rexeitou co ventre un remate de Ana.
A falta de 3 minutos, as pontevedresas, con máis experiencia e oficio, puxeron en pista a porteira-xogadora e a punto estivo Nuria desde campo propio de pór de novo o Panificadora por diante no marcador, pero o balón saíu rozando o pau. Faltaban tan só 23 segundos, na execución dun saque de banda preto da portería local, o balón pegou no poste e saíu rebotado ao ventre da visitante Isa e introduciuse na portería de Antía. Era o pago negativo ao esforzo das novas pupilas de Martínez que están dando, e moito, a cara ante os grandes.
Choque provincial espera en Guntín ao Panificadora a próxima fin de semana. As locais non atravesan os seus mellores momentos como o facían ao comezo de tempada, mentres que as ribadenses demostran unha importante mellora neste novo ano.
Provincial feminina. Unha nova vitoria do Xoula, en Monterroso (3-4), permítelle manter a terceira praza. As ribadenses, esta vez dirixidas por Docobo, adiantáronse no marcador e, aínda que o Monterroso conseguiu igualar, foi o Xoula quen se foi con vantaxe ao descanso. Na continuación foron as ribadenses quen de novo levou a batuta e puxeron o 1-4 no marcador. Este resultado levounas á relaxación e permitiu ás locais achegarse ata o 3-4 definitivo. Elvira (3) e Carmen foron as autoras dos goles; tamén xogaron Yoli, Tania Penabad, Iria, Carla Bolaños, Montse e Carla Cora. A próxima fin de semana visitará A Mariña o Lucense FSF, segundo clasificado que venceu ás ribadenses na primeira volta (6-1).
Provincial masculina. A derrota do Ribadeo en Baamonde (4-2) conduce ao equipo mariñán ata a penúltima praza, á espera de recibir o vindeiro sábado ao Navia de Suarna.
Ficha técnica
Panificadora del Eo-Ribadeo FS: Antía, Toñi, María, Elena e Nuria (1), cinco inicial; tamén xogaron Sabela, Ana, Marta e Eva.
O Montiño Concello de Mos FSF: Asun, Vane, Marga, Sara e Adriana, cinco inicial; tamén xogaron Silvia (1) e Isa (1).
Árbitros: Pablo Coello Martínez e Vanesa Fernández Fernández, da delegación de Lugo. Mostraron cartóns amarelos a Asun e Silvia polas visitantes.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
