Nota de prensa
Enmárcanse na liña de traballo promovida polo Goberno galego en beneficio deste colectivo profesional que este ano terá un investimento de preto de 28 M€, un millón de euros máis que no 2011
BALSEIRO SALIENTA QUE A XUNTA APOIA CON AXUDAS DE ENTRE CINCO MIL E DEZ MIL EUROS AOS AUTÓNOMOS E EMPRENDEDORES DA NOSA COMARCA
A estas axudas poden engadir subvencións de ata 6.000 euros no caso de que, xunto ao inicio de actividade, leven a cabo a contratación dun primeiro traballador por conta allea.
Os interesados poden obter máis información na Consellería de Traballo, na web da Xunta e na Axencias de Emprego dos distintos concellos.
Santiago, 20 de xaneiro de 2012.- O deputado do PPdeG, Jose Manuel Balseiro Orol, salientou que a Xunta apoiará a aquelas persoas que queiran iniciar un proxecto empresarial como traballadores autónomos con axudas que van desde os 5.000 euros, no caso de desempregados en xeral, ata os 10.000 euros no caso de mulleres desempregadas con discapacidade ou en risco de exclusión social.
A Consellería de Traballo vén de aprobar hoxe esta liña de axudas coa publicación da correspondente convocatoria no Diario Oficial de Galicia. O Goberno que preside Alberto Núñez Fiejóo pon en mans dos emprendedores unha liña de financiamento e apoio que, na súa contía global, ronda os 28 millóns de euros, isto é un millón de euros máis que no ano pasado.
APOIO DA XUNTA AO EMPREGO
O deputado explica que estas subvencións enmárcanse na liña de traballo de apoio a emprendedores e autónomos que está a desenvolver o Goberno galego ao longo desta lexislatura. Jose Manuel Balseiro sinala ademais que elas reflicten a aposta do Goberno galego pola creación de emprego nun sector, o dos autónomos e emprendedores, que está chamado a ser unha peza básica para a saída da crise.
PRIMEIRA CONTRATACIÓN
Ademais aqueles autónomos que obten a estas axudas poderán ver incrementada a contía da subvención en ata 6.000 euros no caso de que, xunto ao inicio de actividade, leven a cabo a contratación dun primeiro traballador por conta allea. Ambas subvencións son totalmente compatibles coas outras que existen na actualidade para este colectivo.
AXUDA FINANCEIRA
Esta iniciativa da Consellería de Traballo e Benestar ten por obxectivo facilitarlles aos autónomos emprendedores que durante o inicio da actividade uns ingresos mínimos. Por iso tamén inclúe unha axuda financeira de redución de xuros nos préstamos necesarios para a posta en marcha da empresa, contratación de asistencias técnicas ou outros servizos externos necesarios para mellorar o desenvolvemento da actividade empresarial.
FORMACIÓN
O programa tamén conta con subvencións para a formación, para financiar os custos de cursos, e unha axuda excepcional para o financiamento dos primeiros gastos da actividade realizados nos 3 meses anteriores e nos 6 meses seguintes ao inicio da actividade en concepto de compra de mercadorías, materias primas e outros gastos de constitución.
SIMPLICIDADE
Balseiro recorda que o prazo xeral para a presentación de solicitudes das distintas axudas será dun mes desde a data da solicitude de alta na Seguridade Social, ademais de cumprir o resto dos requisitos da convocatoria. Indica tamén que pode obterse máis información na web da Consellería do Traballo e nas Axencias de Emprego dos distintos concellos, cuxo persoal asesorará sobre estas solicitudes que en todo caso, están caracterizadas pola simplicidade da súa tramitación.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
