Nota de prensa
O PP lamenta a falla de traballo do anterior rexedor no asunto do corredor Barreiros-San Cibrao.
• Os populares afirman que non houbo ningunha xestión ó respecto.
• Din que o Ministerio de Fomento de Blanco aprobou o trazado definitivo pero non contestou ás alegacións.
Burela, a 2 de xaneiro de 2012.- O Partido Popular de Burela lamentou hoxe, a través dunha nota de prensa, a máis absoluta e penosa falla de traballo do anterior máximo rexedor municipal no asunto do corredor Barreiros-San Cibrao, xa que, afirman, o Ministerio de Fomento de José Blanco aprobou o trazado definitivo desa vía de comunicación o pasado 25 de novembro, e publicouna no Boletín Oficial do Estado o pasado 13 de decembro, pero non tivo en conta as alegacións presentadas desde Burela, nin tan siquera as do concello, alomenos parcialmente.
Os populares van máis aló, e aseguran que o Ministerio de Fomento de Blanco non contestou ás alegacións. De feito, os populares din que no concello non hai ningunha resposta, e tampouco chegou comunicación algunha ó propio PP, que tamén pesentara alegacións.
Para o PP de Burela, todo esto demostra que o anterior alcalde non fixo nada de nada, unha vez máis na súa liña. Afirmou que habería entrevistas co ministro Blanco, pero Blanco veu a Burela rirse de nós, e mesmo os socialistas acusaron de maleducados ós que tentaron falar co ministro. Afirmou que se falaría coa Demarcación de Estradas da Coruña, e alí ainda están agardando a visita… En definitiva, en dous anos e medio non fixo nada e agora temos un trazado definitivo que non é o que se quería para Burela.
O PP pídelle ó Goberno Municipal que, dado que o trazado xa é definitivo, busque fórmulas para tentar rentabilizalo da mellor maneira posible.