Nota de prensa:
O Presidente provincial lávase ás mans ante o problema do paro do que tan só parece preocuparse en períodos pre-electorais
Candia reclama a Besteiro que deixe de poñer deberes a outras administracións e implique á Deputación na loita contra o desemprego da Mariña
A voceira popular lémbralle que existe un acordo unánime das tres forzas políticas no Parlamento de Galicia instando á Xunta, Deputación e Estado a formular un plano de desenvolvemento industrial con apoio público para contribuír á dinamización económica da comarca e, nomeadamente dos concellos de Mondoñedo e Lourenzá.
Lugo, 19 de xaneiro de 2012.- A voceira provincial do Partido Popular, Elena Candia, instou a José Ramón Gómez Besteiro que “deixe de poñer deberes” a outras administracións e explique “como vai a implicar á Deputación no plan de recuperación productiva e do emprego” da Mariña lucense.
A dirixente popular considera que coas reiteradas declaracións nas que o Presidente provincial dirixe toda a responsabilidade á Xunta e escusa a inactividade da Deputación nunha hipotética falta de competencias, Besteiro pretende “lavarse as máns” ante os problemas de emprego que están a afectar á Mariña lucense.
Elena Candia explica que cando o bipartito provincial tivo vontade de colaborar no combate ao desemprego así o fixo, por exemplo poñendo en marcha o famoso e polémico programa Lugo-emprega “cos seus defectos e as súas virtudes”- di Candia- “Pero agora todo é agachar a cabeza, desatender as súas responsabilidades e botarlle a culpa aos demais”.
A voceira popular lémbralle a Besteiro que o conxunto das forzas políticas con representación no Parlamento de Galicia, isto é PP, PSOE e BNG aprobaron un acordo por unanimidade -e a proposta dos populares- polo que se pedía ao Estado, Xunta e Deputación provincial que formularan un plano de desenvolvemento industrial con apoio público para contribuir á dinamización económica da comarca da Mariña lucense e, nomeadamente, dos concellos de Mondoñedo e Lourenzá.
Elena Candia tamén amosa a súa sorpresa por escoitar a un socialistas falar de “técnicas de combate do desemprego” cando son os responsables da cifra máis elevada de paro da historia no noso pais. A deputada popular pregúntase non sen certa ironía se “Besteiro descubriu a problemática do paro despois do 20N, porque ata entón aplaudía con total apoio as políticas desenvolvidas polo PSOE no Goberno central e que nos levaron a afondar na crise e na situación de alto nivel de desemprego actual”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
