Nota de prensa
O Presidente esixe á Xunta un plan de reactivación económica que evite “unha auténtica catástrofe na Mariña”
– Gómez Besteiro reuniuse co representante oficial de Aglomerados ECAR, cumprindo coa palabra dada ó comité de empresa de “poñer todo o mellor de si” para frear o peche da fábrica mindoniense e a perda dos seus 62 empregos
– O mandatario reprochou ó Goberno galego que “non sexa consciente” dos problemas da comarca mariñana, “un piar fundamental para a provincia ó representar un terzo do PIB lucense”, e advertiulle que o tempo de “criticar xa rematou, agora ten que actuar”
O Presidente da Deputación, José Ramón Gómez Besteiro, esixiu este xoves á Xunta de Galicia que poña en marcha de inmediato un plan de reactivación económica para evitar “unha auténtica catástrofe” na Mariña, pois esta comarca “é un piar fundamental da provincia, que aporta un terzo do PIB lucense, e está vendo como día tras día están caendo empresas fundamentais para a súa sostibilidade económica e social, como Muebles Hermida, Grupo Mon e Aglomerados ECAR, e incluso se está a falar agora do posible risco de Alcoa San Cibrao”.
Gómez Besteiro fixo este urxente chamamento ó Goberno autonómico tras manter no Pazo de San Marcos unha reunión co representante oficial de ECAR, Adriano Rego, responsable do Consello de Administración e Director de Relacións Institucionais da empresa, para abordar a situación que atravesa a fábrica mindoniense, da que é propietaria FINSA. Besteiro cumpriu deste xeito coa palabra dada ó comité de empresa nunha entrevista antes do Nadal de “poñer todo o mellor de si” para frear o peche da factoría e a perda dos seus 62 postos de traballo. Neste senso, o mandatario provincial instou á Xunta a ser “totalmente escrupulosa” á hora de revisar o ERE que a firma ten previsto presentar mañá: “non o debe tomar como un mero trámite ou procedemento porque estamos a falar dun centro de traballo fundamental para a comarca mariñana”.
Ante a inminencia do ERE extintivo de ECAR e da grave situación doutras empresas mariñanas, o Presidente reclamou á Xunta que “traballe para solucionar os problemas dos veciños da provincia e do resto de Galicia porque o tempo das críticas e de dar leccións a todo ó mundo, como o Goberno galego estaba a acostumado a facer ata hai ben pouco, xa rematou. Agora chegou o momento de poñer en marcha medidas e plans que remonten a situación económica, tal e como a Xunta prometeu e que agora ten a posibilidade de facer cos Ministerios de Emprego, Economía e Industria”. Gómez Besteiro reprochou á Xunta que “non sexa consciente dos problemas da Mariña” e que en xeral “estea descoidando a provincia de Lugo e tamén a de Ourense. Neste curso que podemos chamar Galicia hai que aprobar catro asignaturas, que son Lugo, Ourense, A Coruña e Pontevedra. Non vale que se salve a zona occidental, A Coruña e Pontevedra, e a Xunta, cando se trata destas provincias parece que adopta solucións con outra soltura”.
Besteiro advertiu por outra banda de que as medidas de austeridade do Goberno de Rajoy, “lonxe de ser enriquecedoras, poden ser empobrecedoras e incapaces de xerar expectativas de crecemento”.
Proposta do Pleno da Deputación
O Presidente lembrou que, consciente da difícil situación da Mariña e confirmando o seu compromiso coa comarca, o Goberno provincial levou ó Pleno unha proposta para esixir á Xunta a posta en marcha de medidas que dinamicen o emprego e o desenvolvemento sostible da zona. A iniciativa saíu adiante cos votos do PSOE e o BNG, mentres que o PP abstívose. As medidas solicitadas son as seguintes:
1.- Un plan de recuperación do emprego e da actividade económica da comarca mariñana, destinando a tal fin unha contía económica específica dentro das súas contas públicas.
2.- Un plan de acompañamento social para aquelas persoas que se atopan en situación de desemprego, comezando polas que non perciben ningunha prestación, de cara a amortiguar a súa situación e favorecer a inserción laboral dos mesmos.
3.- A apertura de liñas de financiamento específicas a conta do IGAPE para todos os autónomos e PEMES da Mariña que se atopen atrapados en concursos de acredores, facendo perigar a súa viabilidade.
4.- Un plan de choque que fomente o consumo a fin de evitar o peche de centos de pequenos establecementos comerciais.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
