PAIS DE JAUJA
Alá polos tan afastados, nefastos e míserentos tempos da nosa adolescencia, ao pouco de rematada a guerra incivil, apareceron nos accesos de Foz, por Marzán e Vilaxoane, senllos letreiros que anunciaban o “País de Jauja”, nome de territorio mítico e indefinido, onde ó parecer vivíase sen traballar e no que se daban os feitos mais insólitos, imprevisibles e solprendentes. Curiosamente os focegos eran conformes coa denominación, pois as devanditas sinais duraron anos sen que ninguén se ocupase de retiralas, nen mesmo as autoridades dunha época na que a tristemente lembrada, e denostada dictadura, vivía os días mais represivos e violentos dunha etapa histórica que val mais esquecer.
Instalados na barbarie, dende hai tempo, membros dos partidos con representación municipal, a miúdo ofrecen o bochornoso espectáculo que non fai senon confirmar que seguimos a ser ese país de Jauja, no que a falta de respecto institucional á cidadanía, fai que ésta sufra a agresión dialéctica dunha crase dirixente que neses casos amósase irreverente e bravía, coa soez e incontrolada dialéctica, que lles impide distinguir a lexítima defensa dos seus plantexamentos, sempre respectables, co que nunha sociedade moderna, civilizada, de nivel cultural digno e distendida convivencia, deben ser as actitudes e procederes das persoas que tanto loitaron por ocupar os postos dende os que están obrigados a irradiar a exemplaridade dun comportamento cívico decoroso e que, de non ser capaces de facelo así, mellor que se dedicaran a outra cousa. Xentes que non hai moito suplicaban o voto precisamente ós que agora escarnecen co seu insultante proceder…
E para maior contrariedade cunha emisora de radio ó seu dispor que se encarga de espallar a toda a bisbarra a agreste e indigna conducta; labor, a da emisora, que para nada implica aos seus válidos e honestos traballadores.
O que suscribe era consciente de que ese ía ser o labor estrela da mesma: servir de altofalante ós improperios das dignísimas autoridades, pronóstico doado de facer: abondaba con coñecer o percal. Por eso, cando Radio Foz comezou a retransmitir os plenos, o cronista, confidencial e repetidamente, suxerira ao entón concelleiro de cultura, e responsable da mesma, que non o fixeran, porque as ondas radiofónicas chegan moito mais alá dos lindes municipais e que a radio, que debería ser medio idóneo para divulgar e potenciar a cultura popular e o diálogo entre os cidadáns, a animación social, aglutinante de vontades que promovese o achego entre as persoas, a solidaridade e a mútua colaboración, podería converterse, ó contrario, en motivo de contribución activa ó noso desprestixio. E a fé que nonos equivocamos.
¿Por cánto tempo seguiremos a ser un “País de Jauja”…?
Suso Fernández
Cronista oficial de Foz
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
