Nota de prensa
SR. ALCALDE.
Jaime Cancio Rodríguez, Ana Mª López Campoamor, Mª Ángeles Veiga Varela en representación do grupo Municipal UNIFOZ e no seu nome Jaime Cancio Rodríguez como portavoz de UNIFOZ na Corporación Municipal que Vostede preside, ao amparo do disposto no artigo 14 e seguintes do Regulamento de Organización, Funcionamento e Réxime Xurídico das Entidades Locais e no exercicio do Dereito Fundamental, recollido no artigo 23.1 da Constitución no que se recoñece o dereito fundamental dos cidadáns de participar nos asuntos públicos por medio dos representantes libremente elixidos nas eleccións por sufraxio universal.
Segundo o disposto no artigo 77 da lei 7/1985de 2 de abril, e despois de consultado o expediente ,consideramos imprescindible para o noso traballo como Concelleiros copias dos documentos,.E polo que
SOLICITAMOS:
-Copia dos seguintes documentos :
-Copia de informe de intervención con reparos de data 15 de decembro de 2011 sobre conta xustificativa de anticipo de caixa de 600 €, presentada o 14 de decembro de 2011 polo sr Alcalde.
-Copia de informe de intervención desfavorable de data 19 de decembro de 2011 sobre pago de facturas por parte do Sr Alcalde.
-Copia de informe de intervención desfavorable de data 02 de decembro de 2011 sobre pago de facturas por parte do Sr Alcalde.