AMORES TRÁXICOS
Organizado pola concellería de Cultura, vai a ter lugar no salón de actos daquela Casa, o vindeiro sábado, día 3, un Festival dos Namorados, efeméride que cronolóxicamente corresponde ó pasado día 14 por ser San Valentín, o Día do Amor.
A programación tradicional para tal xornada ofrece unha singular novidade: nela vaise a proxectar a filmación do episodio que polo primeiro tercio do século pasado tivo en Foz por protagonistas a dous mozos aos que o apaixoado amor levounos a concebir a idea de morrer xuntos, para endexamais separarse. E para consumar o desexo elixiron como escenario de tan macabro propósito o cemiterio parroquial…
O histórico episodio, consorte coa mais rigurosa realidade, espallouse por toda a comarca; pero foi Xesús Basanta, do Breogán, quen o estudou polo miúdo e levouno ó seu libro “Foz: historias, contos e lendas”, o que fixo que Francisco Piñeiro, profesor, poeta, escritor, autor e actor teatral, extraendo o traballo de Xesús e, co seu dominio da arte escénica e da tecnoloxía requerida, realizou o documental que estamos seguro vai sorprender a curiosidade dos espectadores…
O sentimento amoroso, patrimonio de tódolos humanos, xerou as mais brillantes páxinas da literatura universal, primeira fonte de inspiración de poetas e literatos, músicos e creadores de tódalas artes, acicate de guerreiros, inspirador das mais sublimes accións e dos mais devastadores feitos.
A historia e a literatura inmortalizaron a persoaxes arredor do amor nas súas mais diversas manifestacións.
Por outra banda a poesía e a lenda crearon figuras que foron, e seguen a ser, testemuñas da forza coa que o amor incide nos comportamentos humanos: Calixto e Melibea en La Celestina; o amor ilusorio de don Quijote e Dulcinea, ou o platónico de Cyrano de Bergerac e Roxana na obra inmortal do francés Edmond Rostand; a traxedia amorosa de Romeo e Julieta, de Sakespeare; Os Amantes de Teruel, de Harzembuche; o prototipo romántico de don Juan Tenorio e doña Inés de Zorrilla; o apaixoado romance de Pérez Galdós e doña Emilia Pardo Bazán, ou o non menos vehemente da escritora George Sand e o compositor Federico Chopin; o amor, fraguado a golpe de tuna, de Gerardo e Carmiña en La Casa de la Troya, ou o amor bucólico, puro e sinxelo, pero mancillado, de Martiño e Rosa na lenda A Virxe do Cristal de Curros Enriquez. Mil xeitos, en fin, e mil motivacións distintas que templan as cordas sentimentais dos corazóns, nesa relación agridoce, sempre ilusionante, pero pérfida ás veces, que mesmo conduce á destrucción dos individuos: o Amor.
Na memoria colectiva das nosas xentes permañece o insólito feito daquel intento de suicidio da parella que formaban Emérita e Nicanor, de 18 e 19 anos de idade, para cuxa relación atopaban a oposición familiar… Era o ano 1929. O sábado vindeiro, se o desexas, amigo lector, coñecerás, ou lembrarás polo miúdo o relato, e tamén as súas secuelas.
Suso Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
