APOTEOSE CARNAVALEIRA
De apoteósica pode calificarse a xornada carnavaleira do pasado sábado en Foz, atendendo na primeira ollada á cantidade de público que a presenciou, sen dúbida a mais numerosa da súa historia, e tamén ó número de participantes, así como o enxeño, a brillantez, maxinación, a fantasía e o traballo ímprovo realizado polos numerosos e variados e, algúns deles, moi nutridos grupos que, nas catro horas que durou o desfile e antes e despois, invadiron coa súa presencia tan exóticos personaxes, os sons dos instrumentos musicais e as mais variadas exhibicións, demostracións e pantomimas, acollidos por unha climatoloxía idónea, as rúas principais da vila, que se converteron en escenario xigante dunha representación lúdica e festiva que acaso non teña parangón en moitos kilómetros á redonda.
Noutro orde de cousas consolídase un feito que ven dándose duns anos a esta parte: a masiva implicación da xuventude na mesma, o que garante a pervivencia, pois é sabido que sen sucesión non hai futuro… e así, por exemplo, “Os Larpeiros” que, como é coñecido foron pioneiros, vangardistas participantes sen nunca faltar á cita, aportando moitas veces singulares elementos históricos, de indudable valor didáctico; iste ano, por mor de reumas, artritis, mobilidade, dores musculares e demais doenzas que camiñan a carón o DNI; iso sí, pletóricos de humor, e cheos de nostalxias, para tomar parte na bacanal houberon de subírse ó tren…
No desfile do sábado, no medio de tanto corido, cantigas, música, esmorga e brincadeira
houbo tamén un lugar para a emoción: rendíase homenaxe a tres homes, veciños e amigos, da tribo focega, persoeiros que, coa súa singular forma de ser e de actuar, foron
elementos que favoreceron de xeito decisivo o actual nome e prestixo dos nosos carnavais Falamos de Emiliano da Xacoba, Juan de Tanana e Yo-Yo, hai pouco falecidos. Foi o grupo de amigos mais próximos a éste os que desfilaron ataviados coas vestimentas dos seus personaxes preferidos para a parodia, e a ampla pancarta: “ A TI, YOYO. O REI “. Para moitos dos presentes foi unha pincelada emotiva e ó seu paso os focegos aplaudimos dende o respecto e o afecto. Se dende o o alén ollaron pro chán seguro que os tres sentíronse orgullosos de cómo agromou a semente..
Suso Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
