Nota de prensa
Brilantes resultados os conseguidos polo combinado alevin da Selección A Mariña de Fútbol Sala na Fase Final do Campionato Galego de Seleccións Locais que se disputou na localidade de Carballiño, logrando o subcampionato na súa categoría.
Comezou a mañá ben para os mariñáns xa que o conxunto dirixido por Francisco Vázquez Beltrán, conseguía derrotar á selección de Lugo Sur por 6 goles a 2, nunha semifinal onde os mariñáns amosaron todo o seu poderío e superioridade física. Os goles foron obra de Fran Fiallega Fernández do ED Pontenova con dous goles e Luka Eijo Geada, Álex Esquerdeiro e Néstor Valle, ámbolos tres pertencentes ao CD Burela Fs, con cadanseu gol e pecharía a conta anotadora Jorge Insúa Candia do AD Praia de Covas.
Ás 17:30h, no Pavillón Paco Chao, daba comezo a final do campionato contra a Selección de Cambre. Nesta ocasión, os rapaces do combinado mariñán non puideron rematar a faena a pesar de poñerse por diante no marcador con dous goles de vantaxe. Unha desastrosa labor arbitral acabou por sacar do encontro aos rapaces mariñáns e acabaron perdendo por 3-2 contra un rival que se aproveitou ao máximo as ocasións das que dispuxo. Os goles mariñáns foron obra de Fran Fiallega Fernández do ED Pontenova.