Nota de prensa
O BNG denuncia o incumprimento das súas obrigas no concello do 1º Tte. de Alcalde de Cervo, José Manuel Balseiro.
Balseiro so acudiu a 10 das 26 xuntas de goberno local celebradas no concello durante o ano 2011.
Si non pode atender as súas obrigas no concello por acumulación de cargos que o deixe
Cervo, 10 de febreiro de 2011. O BNG denunciou que a acumulación de cargos dos que é responsábel o 1º Tte. de Alcalde, José Manuel Balseiro, tiveron como consecuencia que no ano 2011 so acudira a 10 das 26 Xuntas de Goberno celebradas. Os nacionalistas explicaron que Balseiro neste momento non é responsábel de ningunha delegación no goberno local e no único organismo do que forma parte no organigrama municipal que son as Xuntas de Goberno son excepcións as súas presenzas. Dende a constitución da actual Xunta de Goberno despois da constitución da nova corporación saída das eleccións municipais Balseiro so acudiu a 7 das 21 reunións celebradas por este órgano executivo segundo se constata nas actas das sesións. O BNG instou a Balseiro que cumpra coas súas obrigas municipais e no caso de non poder facelo que o deixe.
10 de 26 no 2011 e 7 de 21 asistencias á Xunta de Goberno Local dende a constitución do actual goberno municipal.
O BNG constatou nas actas das Xuntas de Goberno Local que as faltas de asistencia do 1º Tte. de Alcalde ao único órgano do goberno local do que forma parte na actualidade son masivas, especialmente dende a constitución da corporación saída das pasadas eleccións locais. O Sr. Balseiro faltou a 7 das 21 sesións deste organismo dende xullo a decembro e so acudiu a 10 das 26 sesións celebradas durante o 2011. O portavoz municipal nacionalista, Xoán Antón Estúa, “acusou ao Balseiro de absentista e de estar mais ocupado noutras cousas que no cargo para o que foi elixido pola veciñanza do seu concello”. “O Sr. Balseiro na actualidade non é responsábel de ningunha delegación no goberno local e no único cargo co que conta nin está nin se lle espera”, lamentou o portavoz nacionalista.
Balseiro acumula demasiados cargos representativos, si non pode atendelos que deixe aquel no que demostra menos interese.
O Sr. Balseiro acumula os cargos de parlamentario, portavoz de pesca do PP no Parlamento galego, secretario desta cámara, secretario provincial do PP e membro do goberno municipal de Cervo e da súa xunta de goberno, “ao BNG interésalle pouco que fai Balseiro noutras funcións, o que si nos importa é a súa función no goberno local que, polo que constatamos, incumpre reiteradamente”, puntualizou Estúa.
Diante da evidencia das reiteradas ausencias, os nacionalistas instan a Balseiro a decidirse sobre as súas funcións no actual goberno municipal, non ten sentido que forme parte dun órgano executivo no que non exerce. Neste sentido instaron ao parlamentario do PP e portavoz de pesca do mesmo grupo, secretario da Cámara Galega, Secretario Provincial do PP, Presidente da A.C. Anxuela de San Cibrao e membro da Xunta de Goberno Local de Cervo a que decida onde está e onde exerce as súas funcións ou deixe aquilo no que demostra menos interese.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
