Nota de prensa
O CONCELLO DE CERVO OCULTOU AOS VECIÑOS QUE A AUGA DE CONSUMO NON FOI POTABLE NO PASADO MES DE NOVEMBRO
-Os populares mentíronlle ós veciños sendo coñecedores das anomalías, “cos datos de novembro na man, na prensa do día 6 de decembro, insistían en que a auga era apta para o consumo”
-O GMS pide explicacións ó Concello pola súa irresponsabilidade ó ocultar estes datos, “poñendo en perigo a saúde de tódolos veciños, especialmente, ós nenos, anciáns e mulleres embarazadas”
CERVO, 1 DE FEBREIRO. Os socialistas de Cervo aseguran que o alcalde, Alfonso Villares, e o seu equipo de goberno ocultaron ós veciños que a auga non era apta para o consumo no mes de novembro do pasado ano. “Comprobamos esta información a través do rexistro de entrada e saída do Concello e na páxina web do SINAC, Sistema de Información Nacional de Auga de Consumo”.
Grazas a estes documentos, “puidemos verificar as nosas sospeitas e constatamos que o goberno municipal do Partido Popular mentiu a tódolos cervenses cando aseguraban na prensa, a día 6 de decembro, cos datos de novembro na man, que tódolos controis sanitarios indicaban que estabamos dentro dos parámetros dunha auga apta para o consumo”.
Os membros do Grupo Municipal Socialista afirman que o Concello ten contratado o servizo de toma de mostras para a realización de probas analíticas na rede de abastecemento de auga e billa de consumidor cunha empresa especializada, “empresa que lles comunicou a detección de incumprimentos no parámetro SUMA THMs nos resultados das probas de novembro. Estábase superando o máximo permitido”.
Subliñan que “as mostras, que foron tomadas na zona da Atalaia, en San Ciprián, o día 16 de Novembro e sucesivos, mostraban que os parámetros citados superaban o límite máximo permitido, pero nin o señor Villares nin ningún outro membro do goberno alertaron á poboación do que estaba ocorrendo. Todo o contrario, non só ocultaron eses datos senón que mentiron a tódolos cervenses, pois sendo coñecedores dos resultados, seguiron insistindo en que a auga era totalmente apta para o consumo”.
O Concello só comunicou esta información á empresa Espina y Delfín para que fixeran as correccións oportunas ante as anomalías detectadas, sen embargo, “non comunicaron as novas á poboación, infrinxindo o RD 140/2003 de 7 de febreiro, artículo 4.6, que obriga a informar aos veciños se a auga non é apta para o consumo co fin de evitar os riscos que poidan afectar á protección da saúde humana”.
Dende o GMS piden explicacións ó Concello e á concelleira de sanidade, Begoña Alonso, “pola súa irresponsabilidade na ocultación de información á cidadanía, poñendo en risco a saúde dos veciños e veciñas e especialmente á poboación máis débil, coma son nenos, anciáns e mulleres embarazadas”.
Devolución dos recibos
Con estas premisas, os socialistas solicitaron que “o Concello faga posible a devolución dos importes dos recibos da auga dos meses nos que se detectaron as anomalías. Non podemos consentir que os veciños teñan que pagar por unha auga nestas condicións, e de ningunha maneira que apliquen o brutal incremento que tiñan previsto para o prezo da auga”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
