Nota de prensa:
O PP PÍDELLE Ó ALCALDE DE RIBADEO QUE “FALE MENOS E FAGA MÁIS” POLA SEGURIDADE DOS VECIÑOS
O Grupo Municipal do Partido Popular comparte co Alcalde e o seu equipo de goberno e, de seguro, con tódolos veciños do concello de Ribadeo unha fonda preocupación pola vaga de roubos que están a acontecer no noso pobo nos últimos tempos.
Temos a completa seguridade de que o que está a pasar non é culpa nin dos propietarios nin das forzas de seguridade nin, por suposto, do alcalde pero estamos convencidos de que a reacción do goberno municipal pode contribuír a crear seguridade ou, pola contra, e como está sucedendo, un fondo sentimento de alarma e inseguridade.
O Alcalde, como xa lle dixemos en varias ocasións, ten entre as súas responsabilidades o tratar de evitar, no posible, que estes roubos sucedan ou, cando menos, poñer tódolos medios ó seu alcance para fomentar a seguridade cidadá. Desde o Partido Popular consideramos que desde o goberno municipal estase a errar na reacción ante estes sucesos. En un primeiro momento, o Alcalde chamou á vecindade a tomar medidas para tratar de evitar os roubos acudindo ós medios de comunicación para dicir “teñan coidado”. Parécenos importante extremar as precaucións e que cadaquén contribúa na medida en que poida á súa propia seguridade pero non nos ofrece moitas garantías que ésta sexa a solución que aporta quen ten que salvagardar a de todos. Por outra banda, non parece lóxico esta recomendación xenérica senón que existen unhas medidas de prevención específicas recomendadas polas autoridades que sería sinxelo achegar á poboación a través de bandos ou anuncios na prensa escrita.
Posteriormente, en unha desafortunada intervención tras unha nova serie de sucesos, o Alcalde afeaba a conduta da Garda Civil reprochándolle que, cando algo sucedía, non avisaba á Policía Municipal. Isto resultou, ó noso entender un absoluto despropósito pois non viña máis que a sementar nos cidadáns unha desconfianza nos corpos de seguridade que afondaba, si cabe, na sensación de indefensión e perigo. A función do Sr. Alcalde de Ribadeo é, precisamente, a de coordinar a actuación de quen está para protexernos e sería o máis lóxico que, de atopar algunha deficiencia de comunicación debería establecer os mecanismos para evitala, promovendo reunións periódicas entre os responsables ou nomeando un coordinador que sirva de ponte, ou de calquera outro xeito que non fora acudir ós medios para poñer en entredito o labor do corpo de seguridade do estado.
No día de onte, asistimos atónitos a unha nova reacción impropia do máximo responsable do noso Concello que nos informa que convocou ó Subdelegado do Goberno para unha xunta local de seguridade. Esta actuación xa foi proposta polo Grupo do PP fai dous meses sen que, polo que parece, o Alcalde fixera NADA. Por outra banda, parécenos unha falla de responsabilidade á que, por desgraza, xa nos ten acostumados, escorrer o vulto cargando a situación sobre as costas dunha persoa que ten tomado posesión do seu cargo fai 15 días.
O Partido Popular, desgraciadamente, non ten a chave das noces para poñer fin a esta situación que se está volvendo insostible, pero temos a seguridade de que, desde o Concello se pode facer moito para tratar de evitala e pedímoslle ó Alcalde que se poña mans á obra. Fai un tempo que xa lle pedimos que elaborara un plan de aforro enerxético que racionalizara o uso do alumeado público preservando a seguridade dos veciños pero, como é habitual, non nos escoitou ou fíxoo coma quen oe chover porque non se tomou medida ningunha e seguimos aforrando a costa de apagar farolas ó chou e deixar nas rúas o ambiente idóneo para quen quere actuar sen ser visto.
Tamén nos parecería lóxico, dada a evolución da situación, que se activara un dispositivo especial na Policía Local dotándoo, se fora preciso, de máis medios persoais e materiais. Desde o Concello poden promoverse acción informativas dirixidas a particulares e negocios sobre aspectos que poidan mellorar a seguridade. Existe en algunhas cidades un sistema que, mediante un programa informático cos datos dos establecementos comerciais, no momento en que se produce a comunicación por parte dun establecemento dunha alarma, envíase automaticamente ó resto un aviso para que, de producirse un incidente, poidan ser evitados outros e, incluso, se poida capturar ós ladróns.
En definitiva, pedímoslle encarecidamente, ó goberno municipal que, chegados a este punto, comecen a actuar para loitar contra a proliferación de roubos porque ata o de agora non se está facendo absolutamente nada. Existen múltiples fórmulas que, se ben non poden garantir que non se produzan sucesos, sí poden facer moito por tratar de evitalos. Os ribadenses comezamos a estar profundamente preocupados pola situación e o que non nos merecemos é que o concello non actúe.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
