Nota de prensa:
O voceiro do Mar do Grupo Parlamentario Popular lembra que existen argumentos científicos que acreditan o bo estado deste recurso e a posibilidade de incrementar as capturas garantindo unha actividade sostible e responsable
BALSEIRO INTERÉSASE NO PARLAMENTO POLAS MEDIDAS DA XUNTA PARA ACADAR UN INCREMENTO DE COTA DA PESCADA DO NORTE
O Consello Europeo de Ministros de Pesca o pasado mes de novembro acordou manter a mesma cota que o ano pasado para esta pesqueiría.
O deputado pregunta polas xestións que a Consellería do Mar ten previsto poñer en marcha con este obxecto, tanto na conformación do Grupo de Traballo co sector, como respecto da súa composición, funcionamento e estratexia a seguir.
Santiago, 15 de febreiro de 2012.- O voceiro do Mar do Grupo Popular na Cámara galega, Jose Manuel Balseiro Orol, vén de rexistrar unha iniciativa parlamentaria coa que se interesa polas medidas que ten previsto poñer en marcha a Xunta de Galicia de cara a acadar un incremento nas posibilidades de captura da pescada do norte.
O voceiro popular do Mar explica que o Consello Europeo de Ministros de Pesca, que tivo lugar o pasado mes de decembro, acordou manter a mesma cota que a do ano pasado (roll over) para esta especie de grande interese comercial para a flota galega e moi particularmente para o sector pesqueiro da Mariña lucense. Bruxelas mantén en 2012 as 55.105 toneladas de pescada do norte asignadas en 2011, das que 15.450 toneladas serán para os barcos españois, nun importante número galegos.
Balseiro clarexou que ainda que a decisión final foi mellor que a inicialmente prevista -xa que a proposta, nun principio, era dun descenso na cota da pescada do norte- o resultado segue a ser insatisfactorio para os intereses de Galicia, xa que tanto o sector como os informes científicos dispoñibles acreditan o bo estado deste recurso e abundancia da biomasa que permitiría maiores capturas.
GRUPO DE TRABALLO CO SECTOR
A Consellería do Mar xa anunciou que co gallo da próxima xuntanza europea prevista para o mes de xullo promoverá diante das institucións comunitarias o aumento de cota. Balseiro pregunta polas xestións que desde este departamento autonómico teñen previsto poñer en marcha con este obxecto, tanto na conformación dun Grupo de Traballo co sector como respecto das previsións sobre a súa composición, funcionamento e obxectivos.
Balseiro conclúe lembrando que non sería a primeira vez que se impulsa esta estratexia da Consellería do Mar en apoio aos intereses do sector e dirixida a acadar un incremento das posibilidades de pesca. Xa demostrou o seu éxito na pasada anualidade cando Xunta e sector, -cunha soa voz- unidos nun Grupo de Traballo e con informes científicos e socioeconómicos conseguiron convencer a Bruxelas dun aumento na cota do lirio.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
