Nota de prensa:
O GRUPO MUNICIPAL DO PARTIDO POPULAR PRESNTOULLE Ó ALCADE DE RIBADEO UNHA PROPOSTA DE ACTUACIÓNS A INCLUIR DENTRO DO P.E.I.M. RURAL
O PEIM Rural 2009/2010 é un plan para o desenvolvemento de Proxectos Estratéxicos de Infraestruturas no Medio Rural financiado nunha terceira parte pola Consellería do Medio Rural da Xunta de Galicia e nas dúas terceiras partes restantes polo Ministerio do ramo.
Os obxectivos do PEIM Rural son a dinamización da base produtiva do medio rural, co obxectivo de dignificar e mellorar a calidade de vida da poboación que reside nestas zonas e contribuír a fixar poboación, que, á súa vez, teñen unha incidencia relevante no desenvolvemento das zonas rurais.
O Partido Popular de Ribadeo é consciente das deficiencias que persisten na zona rural do noso concello e de que urxe a adopción dunha política intensiva en materia de infraestruturas necesaria para a dotación, conservación e mellora dos servizos básicos elementais, especificamente camiños agrícolas e pistas rurais. Tamén somos coñecedores do importante esforzo económico que estas medidas supoñen para as debilitadísimas arcas municipais e da necesaria conciliación destas con outras de carácter social e de impulso á reactivación económica.
É por todo o anterior que vemos nesta iniciativa financiada por completo polas administracións autonómica e estatal unha magnífica oportunidade de acometer estas accións tan necesarias para a economía da zona rural e para a procura da igualdade social dos habitantes das nosas parroquias.
Á vista de que a cantidade que corresponde ó concello de Ribadeo segundo foi feito público polo Ministerio é de aproximadamente uns 72.000 Euros, o Grupo Municipal do Partido Popular, previa unha minuciosa análise da situación da rede viaria municipal e das necesidades que presentan as infraestruturas da zona rural,
PROPÓN
Ó equipo de goberno do Concello de Ribadeo que se inclúan nas actuacións a acometer coa financiación do PEIM Rural as seguintes:
Asfaltado da pista que vai dende a segunda cetaria á carretera da Lagoa, vía fundamental na comunicación entre as parroquias de Rinlo e A Devesa e que actualmente está en terra con unha mínima capa de zahorra.
Bacheo da pista que vai de Lexoso a Os Chaos en Villamariz, que se atopa nun estado lamentable tras se-la vía de comunicación que absorveu todo o tráfico, incluído o tráfico pesado de camións de recollida de leite a diario, camións de madeira, etc durante máis de un ano, tempo no que estivo pechada ó tráfico a ponte de Arante.
Arranxo dunha tajea e cuneta en formigón na pista que vai da igrexa a Os Casares en Couxela pois esta vía estase atoando a cotío debido ás labores agrícolas que se realizan nas súas inmediacións.
Bacheo asfáltico en pista na estación de FEVE de Rinlo que se atopa en un estado lamentable.
Esta proposta foi presentada na mañá de hoxe no rexistro do concello, habida conta de que, dende o mes de Decembro en que o Ministerio liberou a cantidade correspondente ás actuacións a desenvolver nesta anualidade de 2.012, o Alcalde non se ten posto en contacto co resto de grupos municipais para consensuar as mesmas en aras de esa “man tendida” da que fai gala. Os concelleiros do PP fixemos, co apoio de veciños ou asociacións, un percorrido pola rede viaria rural a fin de detectar as deficiencias que poidan ser máis perentorias. A situación dos camiños e pistas do concello é, en xeral, moi mellorable pero entre as múltiples necesidades escollemos aquelas que se atopan nunha peor situación elaborando esta proposta que podemos acompañar co correspondente orzamento de cada unha das actuacións que se corresponde coa cantidade asignada no PEIM Rural ó noso concello.
Desde o Grupo Municipal do PP desexamos que o alcalde e o seu equipo de goberno tomen en consideración este traballo serio e minucioso e acometan estas actuacións, ou, cando menos, parte delas con estes fondos que lle achegan o Ministerio e a Consellería do Medio Rural.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
