Nota de prensa
O SERVICIO DE PREVENCIÓN MANOMUNADO MAR SEGURO DE GALICIA, CREADO POLAS FEDERACIÓNS PROVINCIAIS DE CONFRARÍAS GALEGAS, INCREMENTOU O NÚMERO DE ASOCIADOS EN 2011 NUN 20% E AMPLIOU O SEU ÁMBITO DE TRABALLO Á ZONA DA MARIÑA
Burela, 15 de febreiro de 2012. O Servizo de Prevención de Riscos Mar Seguro de Galicia, pertencente ás confrarías galegas, pecha o 2011 con case 800 asociados e ampliando a súa área de traballo á zona da Mariña.
O servizo de prevención mancomunado da asociación Mar Seguro de Galicia (SPM-MSG) foi creado polas tres Federacións Provinciais de Pescadores para ofrecer unha solución a tódalas embarcacións de Galicia en materia de prevención de riscos laborais, cun servizo de alta calidade a un custe moi reducido.
Actualmente o SPM-MSG presta servizo a case 600 embarcacións de todo Galicia. Neste último ano ampliouse o ámbito de traballo do servizo á zona da Mariña, onde cada día son máis os que desfrutan deste servizo.
Para poder asociarse ó SPM-MSG, as empresas só teñen que cumprir un requisito, pertencer a unha das 62 confrarías galegas.
Tódalas embarcacións mancomunadas no SPM-MSG cumpren a lexislación vixente en canto a materia preventiva se refire. Os asociados teñen as súas avaliacións de riscos e plans de prevención totalmente actualizados, están en todo momento informados e asesorados preventivamente e teñen a súa formación en prevención de riscos ao día.
Dende o SPM-MSG queremos recordar que están obrigadas a ter plan de prevención tódalas embarcacións, excepto as que os seus únicos tripulantes sexan os armadores.
O SPM-MSG completa a súa actividade preventiva coa realización de diferentes proxectos. O pasado ano, MSG colaborou co Instituto de Seguridade e Saúde de Galicia (ISSGA), na realización dun estudo epidemiolóxico no que participaron máis de 1100 mariscadoras de tódalas confrarías de Galicia, que pasaron polos servizos médicos do ISSGA co obxectivo de someterse a un recoñecemento médico gratuíto, tal como estaba solicitando o colectivo.
Un dos proxectos que tivo máis relevancia no ano 2011 foi a formación en prevención de riscos laborais, onde se involucraron a 210 empresas, formando a máis de 300 traballadores, o que computou case 20.000 horas de formación.
Tamén no 2011, o SPM-MSG publicou dúas guías. A primeira “Prevención de riscos laborais no sector da baixura”, recompila as normas básicas de seguridade dirixida aos traballadores galegos da pesca, o marisqueo e a acuicultura. E a segunda “Guía de percebeiros”, que sairá a luz o próximo mes, e que analiza o traballo dos percebeiros dende un punto de vista preventivo.
E por último, tamén no 2011, MSG en colaboración coa Federación Provincial de Confrarías de Lugo elaborou a guía “Protocolos de izado de embarcacións con Sublift-25”, financiada pola Consellería de Traballo. O Sublift-25 é un sistema de izado de embarcacións semisumerxible que utilizan na Confraría de Burela. Esta guía foi repartida na confraría de Burela aos distintos usuarios do Sublift e nela defínense os protocolos de traballo que se deben cumprir no manexo deste equipo co fin de protexer ás persoas e ás cousas dos riscos de accidentes que poidan producirse como consecuencia do funcionamento e utilización de dito aparato.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
