SEGUNDA CARTA A ANTONIO VEIGA OUTEIRO
Cronista Oficial de Foz
Estimado amigo: O día 6.4.11, por este medio, dirixinche escrito a propósito dunhas manifestacións túas, en canto que Delegado de Cultura da Deputación, polas que dabas conta de distintos aspectos do voso traballo a prol da recuperación de vellos valores da cultura popular, polo que amosaba a miña ledicia e expresaba os meus parabéns, ao tempo que lembraba a existencia dunha grave agresión ao que é un dos mais importantes monumentos da comarca: San Martiño de Mondoñedo, e cuxa reparación non require maior dispendio. Vai para un ano e a miña carta non tivo resposta algunha e polo tanto ignoro o que pensas ó respecto. Un, que se recoñece home de poucas luces, confesa que non lle resulta doado entender o que os políticos queren decir cando, sen rubor, falan de democracia, de diálogo e de transparencia, verbas que a cotío teñen nos beizos. De tódolos xeitos non pensaba volver sobre o tema, se non fora que hai uns días souben dunha importante iniciativa da Fundación Santa María la Real de Aguilar de Campo (Palencia) e o Ministerio de Educación e Cultura, consistente na catalogación de tódolos monumentos románicos, entre os que se atopa San Martiño. O traballo é o mais importante realizado sobre o románico en Galicia, e consiste en fotografíar, describir e levantar estudos planimétricos dos monumentos definidos como románicos. Servirá ademais para desbotar os elementos de filiación discutible e incorporar outros nos que a influencia románica pasou desapercibida Trátase ,‘polo tanto, dunha actuación importante co fin de esclarecer a autenticidade histórica e artística dos diversos monumentos e contar cun directorio fidedigno, unha vez depurados de elementos que lles son alleos.
¿Qué pensarán de nós, cando estes técnicos e expertos, en San Martiño observen a barbarie cometida contra un monumento nacional, mais que milenario, “exemplar único do pre-románico galego”, declarado BIC, berce da diócesis de Mondoñedo, ex-catedral mais antiga que na península se mantén en pé, cuxas vellas pedras, en palabras de Alvaro Cunqueiro “parecen labradas por mans imposibles” e que pouco hai Benedicto XVI a declarou basílica?
¿Qué pensarán das nosas autoridades, que teñen a obriga moral- e legal, – de protexer, defender de posibles agresións o patrimonio cultural, material e inmaterial, e de velar pola súa conservación e integridade, cando os responsabeis provinciais, coa anuencia dos munícipes, foron executores e defensores, respectivamente, de tal desfeita?.
¿Sentirán vergoña ante a evidencia de tan bárbara actuación?
Hai uns días referíaste ó empeño en atraer visitantes á Mariña fora de època; é decir, a “desestacionalización do turismo” da que os políticos- de tódalas cores- veñen falando dende hai anos, (“A Mariña y el Occidente astur se unen para la desestacionalización turística “ (12.2.05), sen nunca facer algo por ela. Pois ben, supoño que nese hipotético programa de actuacións terá papel preponderante a cultura, nas diversas manifestacións, como atractivo turístico, da que os distintos monumentos espallados pola bisbarra son primeirísimo motivo de reclamo, para o que deben ofrecer unha presencia digna.
Pode que algún día estas dúbidas teñan resposta; a que sexa. A fin de contas trátase tan só de algo ben sinxelo, de elemental cortesía.. Cordialmente, Suso Fernández
FOTO: a agresión ó monumento reflictea ben a foto coa obra dos retretes construídos a carón seu.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
