Nota de prensa:
A CONCELLEIRA DE SANIDADE VOLVE A MENTIR POIS UN INFORME DESVELA QUE FORON VARIAS AS ANALÍTICAS DA AUGA CON RESULTADOS ANÓMALOS
-Begoña Alonso asina un informe, con data 7 de decembro, no cal lle comunica á Consellería de Sanidade que “durante varios días, non só un como dixo nos medios, as probas amosan parámetros anormais de THMs”
-Os socialistas esixen responsabilidades “pois non é a primeira vez que minten en temas de saúde pública e piden que se non teñen ganas de traballar que se vaian e deixen o sitio para outros que sí as teñen”
CERVO, 3 DE FEBREIRO. O Grupo Municipal Socialista de Cervo considera alarmante que o goberno siga mentindo ós veciños día tras día co estado da auga. Insisten en que “no mes de novembro a auga non foi apta para o consumo, así o constataba o SINAC, Sistema de Información Nacional de Auga de Consumo, e os informes do rexistro de entrada e saída do Concello. E en ningún momento, nin a delegación de sanidade, nin o alcalde de Cervo, avisaron á poboación afectada pola situación.”
Os socialistas destacan que “son sorprendentes as declaracións da concelleira de sanidade, Begoña Alonso, cando asegura que foi algo puntual e que as seguintes probas que fixeron non mostraron anomalías. Nun informe enviado á Consellería de Sanidade, informe que ela mesma asinou con data 7 de decembro, afirma que durante varios días as analíticas deron parámetros anormais de THMs, superando os límites establecidos. A día 6 de decembro, aseguraba na prensa que tódolos controis sanitarios indicaban que estabamos dentro dos parámetros dunha auga apta para o consumo e ó día seguinte enviaba este informe. A señora Alonso mentía e volve a mentir outra vez, non lle chega con asumir un erro senón que segue engañando ós cervenses, unha vez máis.”
Os membros do GMS cren que o Concello de Cervo non está a defender os intereses dos veciños, pois “minte aínda sendo coñecedor da situación e oculta información unha e outra vez sobre temas relacionados coa saúde pública. E ésta parece ser a maneira habitual de actuar ante casos así, o pasado mes de agosto, tampouco alertaron de que o estado das augas en Rueta non era apto para o baño.”
Coa saúde non se xoga e o Concello de Cervo, coa súa actitude irresponsable, o único que xenera é incertidume e alarma. Lémbranlle a Begoña Alonso que “nós temos claro o que temos que facer, o labor de control ó goberno, pero non temos tan claro que ela saiba ben coma facer o seu traballo. Se está farta de que a oposición faga o que ten que facer, como afirmou nalgún medio, que se vaia e deixe o asento para outros que sí temos ganas de traballar e loitar polo noso concello”.
Demostra moi ben o seu pouco interese polos veciños cando di que “ela está disposta a informar a todo o que lle pregunte ou a visite no seu despacho. Despois dalgún tempo no goberno, é unha pena que ninguén lle dixera que isto non funciona así, é vostede a que ten que informar ós cidadáns dos problemas que poidan xurdir, e non os cidadáns os que teñan que preguntarlle cada día se poden ou non consumir a auga que sae das súas billas.”
Esixímoslle a este equipo de goberno que de verdade “se poña as pilas e polo menos non minta máis ós cervenses, que recoñezan os erros e que traten de solucionar os problemas que se presentan canto antes. Non podemos consentir que non se alerte ós veciños dun asunto así, cando a auga non é apta para o consumo e son varias as analíticas que non se axustan ós límites permitidos é de lei que os veciños sexan informados.”
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
