VOLTA AO PASADO MAIS CUTRE
Apenas pasaron uns poucos meses desde as eleccións e os peores temores confirmáronse. Non hai ningunha dúbida nos sinais que nos chegan. A inxenuidade morreu. A pantasma da reacción percorre o país. Os corruptos campan ás súas anchas, exhibíndose sen pudor en todas partes, amosando os froitos do malgasto, do saqueo continuado das arcas públicas, sabedores da súa impunidade.
O Tribunal Supremo asina unha vergoñosa sentenza que converteu este 9 de febreiro nunha data negra para a historia da Xustiza no Estado. Baltasar Garzón, outrora adorado pola dereita extrema por ser o azoute do felipismo, é desterrado da xudicatura co aplauso unánime dos outrora aduladores. O Consello Xeral do Poder Xudicial declara intolerable as críticas ao fallo, esquecendo seguramente que neste país a liberdade de expresión, o dereito á crítica e á discrepancia forman parte da cotidianeidade democrática.
O flamante ministro do ramo, Alberto Ruiz-Gallardón ,algún día o Grupo Prisa quizais explique á cidadanía o seu empeño de anos en presentarnos ao cachorro de Don Manuel como o membro máis destacado do sector progresista do Partido Popular, anuncia sen rubor unha reforma legal que nos retrotrae aos primeiros anos da democracia. Fora xustiza gratuíta, os notarios serán, cobrando quen te casen e descasen, fóra o aborto, píldora do día despois e outras lerias.
Os membros do Goberno na súa totalidade escandalízanse polas burlas, de mellor ou peor gusto, alá cada cal coa súa valoración, lanzadas contra os nosos deportistas nunha canle de televisión francés, cando nunca, estando na oposición, se molestáron en reprender aos seus xinetes da apocalipse e persebreiros da dereita mais ruín, tan dados ao insulto e ao mamporro verbal nos medios de comunicación afíns. E para rematar a faena, O 10 de febreiro, regálannos unha serie de cambios no mercado laboral que botan por terra anos de loita e de conquistas sociais, coa basta escusa da crise económica.
Así as cousas, si eu fora creente, que non o son, só me queda dicir “Que Deus nos colla confesado con esta tropa de reaccionarios e xente de mal vivir.
Otero Regal
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
