Nota de prensa
O CONCELLO DE BURELA TEN ABANDONADO O DEPORTE
Dende o BNG queremos denunciar publicamente a situación de abandono total ao que o equipo de goberno do PP de Burela ten condenado o deporte no noso pobo. E estámonos a referir ás escolas deportivas de baloncesto e fútbol nas que centos de rapaces e rapazas están inscritos esta tempada.
Viamos hai uns días na prensa que o Club Baloncesto Burela tivo que dar de baixa uns equipos ante a falta de recursos económicos para continuar na competición porque o Concello de Burela aínda (case un ano despois) non lle pagou as cantidades correspondentes á tempada pasada.
Hai que lembrar tamén que, polo que se refire ao club de fútbol, a S.D. Burela, xa a finais do ano pasado se viu obrigado a pedir ás familias dos seus nenos xogadores unha importante contribución económica e máis esforzo persoal aínda para poder seguir practicando o fútbol e competindo por toda Galiza levando o nome de Burela nas súas camisetas.
E, ante as mentiras nalgúns casos e o silencio total noutros por parte do Alcalde e do seu equipo, hai que recordar que o anterior goberno municipal, e en concreto a Delegación de Deportes que eu levaba, asinara durante os anos que gobernamos uns convenios cos clubs de fútbol, fútbol sala e baloncesto para o desenvolvemento das escolas deportivas municipais nestes tres deportes. E, en concreto, para a tempada pasada 2010-11, había unha partida específica de 50.000 € para estes convenios. Uns cartos aprobados para este concepto e que, despois de que os clubs xustificaran esta subvención xa no mes de maio do ano pasado, aínda non recibiron.
Pero aínda hai máis: o sr. Barcia en persoa durante a campaña electoral das pasadas eleccións municipais e xa despois como Alcalde comprometeuse con estes clubs para continuar con estas axudas. Sen embargo, como vemos, isto non é así. O Alcalde, que sempre se chufa de dialogar e de reunirse continuamente cos colectivos e asociacións, nada lles dixo a estes clubs de que para este ano 2012 non ía haber nin un euro para estes deportes. Tivéronse que enterar pola prensa cando nós o denunciamos publicamente na aprobación dos orzamentos para este ano 2012 no pleno do pasado mes de decembro.
Pero non só non vai haber cartos para estas escolas deportivas no 2012 senón que tamén o Alcalde lles mentiu aos clubs cando lles dixo que lles ía aboar os convenios da tempada pasada antes de que finalizase o ano 2011. E estamos a marzo de 2012 e aínda non cobraron. E un dos clubs, o Club Baloncesto Burela, se ve obrigado a deixar ás rapazas dos equipos que tivo que dar de baixa sen a posibilidade de practicar e competir no deporte que levan anos practicando porque o Concello de Burela non lles paga o que lles debe dende hai case un ano. E nin a Concelleira de Deporte nin o Alcalde din nada nin se interesan polo tema.
E que a xente non se deixe enganar pola cantinela que tan ben se aprendeu o Alcalde de que non hai cartos, porque cartos para “outras cousas” si hai: para pagar a certas empresas (que, por certo, nin sequera son de Burela) que facturaron moito despois de xuño do ano pasado, tamén hai cartos para montar unhas máquinas para que fichen os funcionarios (un gasto que nós consideramos totalmente innecesario nestes momentos) e tamén hai cartos para que o Alcalde se pasee un par de días por Fitur e presente unhas dietas de case 500 €…
Pero isto de “non pagar” non é novo cando falamos do PP de Burela. Porque, cando estes días se fala tanto das facturas do ano pasado sen pagar que teñen os Concellos (nuns momentos de grave baixada dos ingresos por parte das administracións locais), eu quero dar un dato moi significativo: a finais do ano 2006 (un ano aínda sen problemas de financiamento para os Concellos), o PP de Burela que gobernaba naquel momento co sr. Barcia como Alcalde tiña sen pagar a 31 de decembro algo máis de 2 millóns de euros. Aí queda ese dato para a reflexión e as comparacións.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
