Nota de prensa
Xose Manuel Barreiro puxo de manifesto que co anterior Goberno do PSOE a aplicación desta Lei foi errática, arbitraria e caprichosa
Senado e Parlamento de Galicia asumen as iniciativas do PP para que a reforma da Lei de Costas recoñeza os núcleos rurais do litoral
A falta de recoñecemento destes espazos deu lugar a auténticos dramas persoais daqueles que ven como as súas vivendas, adquiridas anos atrás e orixinarias de asentamentos mariñeiros tradicionais, están ameazadas con sancións ou non poden efectuar nelas pequenos arranxos de mantemento.
Os populares defenden a revisión dos criterios de deslinde vixentes na actual Lei de Costas
Viveiro, 9 de marzo de 2012.- O presidente provincial do Partido Popular de Lugo, Xose Manuel Barreiro, explicou hoxe que tanto o Senado como o Parlamento de Galicia veñen de asumir as iniciativas do Grupo Popular para que a inminente reforma da Lei de Costas recoñeza desde un punto de vista urbanístico os núcleos rurais do litoral.
O líder dos populares lucenses valorou a importancia desta proposta nunha rolda de prensa ofrecida en Viveiro, e na que estaba acompañado dos alcaldes e portavoces dos concellos do litoral da Mariña lucense, e dos representantes desta formación política no Parlamento de Galicia, Congreso e Deputación.
Barreiro explicou que a reforma da Lei de Costas servirá, entre outros obxectivos, para revisar os criterios de deslinde marítimo-terrestre para protexer a determinados asentamentos do noso litoral, nacidos fai décadas ao abeiro de núcleos tradicionais mariñeiros e nos que, a pesar de contar cunha urbanización propia dos solos urbanos, non son clasificados como tales pola normativa estatal vixente por atoparse nun entorno rural.
O dirixente popular explicou que son múltiples estes núcleos tradicionais, pequenas vilas e aldeas que temos en Galicia no borde xusto do mar, e que constitúen un reflexo dun modelo tradicional e dunha especificidade propia do urbanismo galego. Na Mariña lucense por exemplo existen este tipo de asentamentos como por exemplo núcleos de Rinlo en Ribadeo e espazos rurais e costeiros como os de Portocelo en Xove, San Cosme de Barreiros e Reinante ou Rueta-Fontao en Cervo.
PREXUÍZOS
Xose Manuel Barreiro puxo de manifesto que co anterior Goberno do PSOE a aplicación desta Lei foi errática, arbitraria e caprichosa e deu lugar a importantes prexuízos para os propietarios das vivendas radicadas nestes espazos. A reforma trata de poñer fin a auténticos dramas persoais daqueles que vían como as súas vivendas, adquiridas anos atrás, están ameazadas con sancións -incluso ordes de derrube- ou nelas non poden efectuar pequenos arranxos ou tarefas básicas de mantemento.
RESTABLECER A SEGURIDADE XURÍDICA
O presidente dos populares lucenses lembrou que é necesario restablecer a seguridade xurídica nestes casos e facelo ademais desde un escrupuloso respecto á necesaria protección ambiental e posta en valor do noso litoral. O PP defende que a futura reforma normativa só busca recoñecer os dereitos daqueles que dispoñen de propiedades antigas próximas á costa e espazos rurais do litoral de gran importancia turística.
Desde o PP recalcan que tanto os propietarios de vivendas e empresas afectadas polos deslindes, viron como a normativa vixente lles cambiaba os criterios de ocupación do dominio público marítimo terrestre, pese a que teñen vivido durante décadas en total harmonía coa natureza que lles rodea
As iniciativas aprobadas nas diversas Cámaras lexislativas teñen ademais por obxecto apoiar e refrendar a postura manifestada polo Goberno de Mariano Rajoy con respecto á aplicación de esta Lei por parte do Goberno do PSOE, que non fixo máis que “xerar incerteza e controversia”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
