A AMNESIA DOS “EX”
Estes tempos somos testigos en Foz duns efectos funestos que, dise ás veces en caso semellante, son resultas do esforzo, o traballo e as preocupacións do labor político, inspirado polo amor á cidadanía e ó afán mudable por mellorar as condicións sociais, culturais e económicas da poboación, o que esixe tamén unha intensa dedicación intelectual… Efectos que deixan as súas pegadas no físico, e tamén na ”psique”, das persoas.. A coitío detéctase como individuos que acceden a postos políticos, de maior ou menor relevo, envellecen de contado, e o seu carácter, a actitude para cos demais, moitas veces dexeneran e vólvense orgullosos, ousados, fachendosos e soberbios, e fan lembrar a famosa frase : “no los conoce ni la madre que los parió”, tributo a tanto sacrificio polo ben común. As singulares, rocambolescas e insólitas vivencias que se deron na apaixoada parella (política) que gobernaba o concello, e os episodios de enconado enfrontamento que levou ó noso pobo a ocupar primeiras páxinas informativas, poñendo ós focegos na órbita do pitorreo e do “faimerrir”, de tan lacerante, e traumática ruptura, fixo que, ó quedar o goberno municipal noutras mans, prodúzalles un desacougo insoportable, que os leva mesmo a denunciar, por exemplo, que o alcalde mente ós veciños, coma se tal cousa fose algo novo, e non lles resultase coñecido. … Do nostálxico cofre, arcano que acolle, amorosamente, e acaso con hiperbólica consideración, o que é o impagable tesouro da lembranza das infinitas vivencias pasadas, extraemos tres versos dunha poesía, aprendida na adolescencia, que aluden a esta cuestión:“ …no veo causa por qué / se la tiene por cosa nueva / que yo también las usé … ”
Pero tampouco é para racharse as vestimentas: a mentira é consubstancial ó político e descoñecemos a posible existencia dos que, dun xeito ou doutro, non sexan mentireiros practicantes; e seguro que o alcalde de Foz (tamén o novo) non é a excepción.
Pero o verdadeiramente inquietante son as serias secuelas de tantos anos de sacrificada, e nunca abondo recompensada, labor municipal; secuelas que se detectan nestes servidores do pobo na alarmante perda da memoria que padecen ambos, a xulgar polas súas declaracións, ás que son tan dados, e que pode ser grave, pois tal deficiencia (a amnesia) podería ser síntoma da cruel doenza á que todos tememos e da que ninguén está libre. Este cronista hai algún tempo fixo terapia de recuperación memorística, baixo as expertas directrices da súa querida amiga Julita Vidarte e, aínda así, pide a Deus que tamén Él lle bote unha man. A saúde, mais alá do poder e dos cartos, é a meirande fortuna. A desmemoria dos dous líderes preocupa: deben vixiala. Facemos votos pola súa melloría.
Suso Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
