O 70% dos incendios teñen a súa orixe en enchufes múltiples, mantas eléctricas, campás estractoras e chemineas
– Así o reflicten os informes de actuación dos parques do Consorcio: dos 98 lumes atendidos no que vai de ano, 69 foron en vivendas por cortocirtuitos e combustións en ditos aparellos ou espazos
– Avanza a comarcalización do complexo de Monforte coa posta en marcha do proceso de contratación dun vehículo de 290.000 euros e a formación de máis de 20 novos profesionais
– 28 alumnos do IES Marqués de Sargadelos visitaron nas instalacións de Barreiros, facendo que un total de 636 cativos coñezan o servizo do Consorcio na provincia mediante actividades didácticas
Alumnos de Cervo nunha visita ao parque de Barreiros
Os parques de bombeiros do Consorcio Provincial, organismo asumido ó 50% por Deputación de Lugo e Xunta de Galicia, atenderon un total de 143 emerxencias no que vai de ano, segundo reflicten os informes de actuación das instalacións contraincendios de Viveiro, Barreiros, Vilalba, Sarria e Chantada. Destas, 98 corresponden a incendios acontencidos, no 70% dos casos, concretamente en 69, en vivendas. As principais causas son, tal e como manteñen os propios profesionais, cortocircuitos provocados polo emprego de mantas eléctricas durante as noites ou de enchufes múltiples con baixa capacidade ós que se conectan varios aparellos, así como pola combustión xerada nas campás estractoras debido a acumulación de grasa nos filtros ou nas chemineas tamén mal limpas.
Os outros lumes sofocados durante xaneiro, febreiro e marzo foron os de mobiliario urbano (12 casos), vehículos (9 casos) e montes (8 casos). Nestes últimos, os 100 profesionais que integran ditas instalacións luguesas interveñen en apoio ás brigadas especializadas co fin de protexer persoas e vivendas. Nos últimos meses, colaboraron en incendios forestais sucedidos Guitiriz, O Saviñao, Guntín e Sarria, así como fóra do ámbito de actuación dos parques.
As restantes intervencións realizadas este ano foron as seguintes: 13 rescates de persoas, 11 excarcelacións, 8 fugas de gas ou auga e 13 actuacións de prevención, tales como limpeza de estradas.
Incorporación do parque de Monforte
Por outra banda, o Consorcio Provincial segue a avanzar na integración do parque de Monforte. O organismo está inmerso no proceso de contratación dun camión BUL, dotado de 290.000 euros, para as instalacións da cidade do Cabe. O Boletín Oficial da Provincia fixo público nos pasados días este concurso para que todas as empresas interesadas presenten as súas ofertas. Proximamente, iniciarase a adxudicación de máis equipamento co obxectivo de que este complexo teña os mesmos medios cos outros 5 parques. Para elo, no Orzamento do Consorcio para 2012 hai outros 210.000 euros. Da mesma forma, ante a vindeira comarcalización do parque monfortino, 4 millóns de euros do presuposto do organismo para este ano son tanto para a xestión deste servizo tanto no complexo de Monforte, como nos de Viveiro, Vilalba, Barreiros, Chantada e Sarria. Ademais, os máis de 20 profesionais que contratará o Consorcio para as instalacións da cidade do Cabe están a recibir formación na Academia Galega de Seguridade Pública, situada no Concello da Estrada. Son máis de 300 hora lectivas, o 60% prácticas, que rematarán en maio.
Visitas didácticas ós parques
O Deputado de Econonomía do Coñecemento, Emprendedores e Innovación, José Ramón Val Alonso, e o Xefe do Servizo de Emerxencias e Interior, Javier Vales, acompañaron hoxe ós 28 alumnos do IES Marqués de Sargadelos, en Cervo, durante a visita que realizaron ó parque de bombeiros de Barreiros. É a última actividade didáctica que ofrece o Consorcio a cativos da provincia en resposta ós seus centros educativos e co obxectivo de que coñezan o servizo que prestan na provincia, así como as pautas de conduta básicas a seguir ante posibles emerxencias. Para elo, estes profesionais realizan, tanto nos colexios como nos complexos, demostracións e simulacros nos que, ata o momento, participaron 636 nenos lugueses. Estes foron, xunto ós de hoxe, os 60 alumnos do CEIP San Miguel (Barreiros); 204 do CEIP Covas (Viveiro); 48 do CEIP de Cervo Nº1; 123 do CEIP Juan Rey (Lourenzá); 56 da Escola de Educación Infantil de Sarria; 74 do Nuestra Señora de la Asunción (Sarria); e 43 do CEIP Pedro Caselles Rollán (Xove).
Remitir
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
