ACISA SORTEA 1.000 EUROS EN VALES DE COMPRA NA CAMPAÑA DO DÍA DA NAI QUE DÁ COMEZO MAÑÁ E REPARTIRÁ POLA RÚA 2.000 FLORES O PRÓXIMO 6 DE MAIO.
Ribadeo, 26 de abril 2012. A Asociación de Comerciantes, Industriais, Servizos e Autónomos de Ribadeo sortea 1.000 euros en vales de compra na súa campaña do día da nai que dá comezo mañá venres.
Desde a directiva de ACISA explican que “todas aquelas persoas que realicen as súas compras do día da nai no comercio ribadense desde o 27 de abril e ata o próximo 6 de maio recibirán papeletas para cubrir cos seus datos e o seu número de teléfono para entrar no sorteo de 1.000 euros en vales de compra”. O sorteo terá lugar nas instalacións de ACISA o 9 de maio, “os 1.000 euros levaraos unha persoa e poderaos gastar ao longo de todo o mes de maio no comercio e na hostalería local”.
ACISA quere así premiar as compras que se realizan estes días no comercio ribadense, “queremos ter un detalle coa fiel clientela que ten Ribadeo e aproveitamos para animar a todos os veciños da zona a vir a Ribadeo comprar os agasallos do día da nai porque poden ter a sorte de levar ese importante premio, 1.000 euros en vales de compra”.
Ademais ACISA repartirá 2.000 flores o día 6 de maio polas rúas máis comerciais de Ribadeo, “todas aquelas persoas que nos atopan pola rúa, nenos e nenas ou adultos, levarán unha flor para regalarlle á súa nai”. A Asociación de Comerciantes, Industriais, Servizos e Autónomos de Ribadeo xa realizou esta repartición de flores pola rúa o día da nai outros anos “e a acollida foi un auténtico éxito”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
