As rutas de Km0 desta semana dinamizan o sector hostaleiro, adegueiro, alimentario e artesán de Ribadeo, Cervo, Sober e Navia
– Cinco restaurantes, unha adega, unha fábrica de embutidos e un obradoiro de olería veranse beneficiados polo programa, no que participarán 300 lucenses entre hoxe e o xoves
– A Deputada de Medio Ambiente recibiu este martes a 55 integrantes da Asociación Cultural San Martiño de Mariz, en Chantada, e a outros 55 membros do colectivo de mulleres Amencer de Bóveda, que redescubriron os Concellos ribadense e cervense
As rutas do programa medioambiental Km0 da Deputación de Lugo dinamizarán esta semana a actividade hostaleira, adegueira, alimentaria e artesá dos Concellos de Ribadeo, Cervo, Sober e Navia, pois os 300 participantes nos seis itinerarios organizados entre este martes e o xoves coñecerán o patrimonio paisaxístico e monumental destas localidades, pero tamén visitarán diversos establecementos. En concreto, cinco restaurantes, unha adega, unha fábrica de embutidos e un obradoiro de olería veranse beneficiados polos percorridos organizados polo organismo provincial, do que gozarán veciños de Chantada, Bóveda, Burela, Sober, Vilalba e Lugo.
A programación arrancou hoxe con dúas rutas pola Mariña, que realizaron un grupo de 55 integrantes da Asociación Cultural San Martiño de Mariz, de Chantada, e outros 55 membros do colectivo de mulleres rurais Amencer de Bóveda. Ámbolos dous grupos foron recibidos pola Deputada de Medio Ambiente e Enerxías Renovables, Sonsoles López Izquierdo, no Salón de Actos do Pazo de San Marcos. Os chantadinos coñeceron despois a olería de Bonxe para viaxar logo a Ribadeo, onde comeron no restaurante O Cabazo, fixeron unha travesía en barco pola ría, subiron no ascensor panorámico do peirao de Porcillán e deron un paseo polo casco histórico da vila, que incluíu unha parada no Convento das Clarisas. Polo que respecta ó colectivo de mulleres rurais de Bóveda visitaron a fábrica de cerámica e Casa da Administración de Sargadelos, o Paseo dos Namorados e o casco histórico de San Cibrao. A comida tivo lugar no restaurante cervense O Castelo.
Mañá, 48 integrantes da Asociación de Amas de Casa de Burela e outras 48 persoas pertencentes á Asociación Micolóxica O Pingadoiro de Sober redescubrirán grazas ó Km0 a Ribeira Sacra e A Montaña, respectivamente. O primeiro grupo desprazarase ó mazo de Santa Comba e logo viaxará a Sober, onde gozará dunha degustación na Adega Algueira e comerá no restaurante do mesmo nome. O itinerario rematará cun paseo en catamarán por Amandi. En canto ó percorrido do segundo colectivo, arrancará cun paseo pola zona dos Robles, en Lugo, e continuará cunha comida no restaurante Xegunde de Navia de Suarna, e cunha visita á área recreativa, ó castelo e á ponte da vila; ó establecemento de embutidos Suarna e á central hidroeléctrica.
A programación da semana concluirá o xoves con dúas rutas por Ribadeo e Sober, que realizarán, respectivamente, 48 membros da Asociación RC Nausti de Noche, de Vilalba, e 48 alumnos da Escola Oficial de Idiomas de Lugo. A agrupación vilalbesa coñecerá as instalacións do Centro de Artesanía e Deseño (CENTRAD) da Deputación e, xa en Ribadeo, comerá no restaurante La Cofradía de Rinlo e pasearán polo entorno de Illa Pancha, o forte de San Damián e O Cargadoiro, ademais de polo casco histórico ribadense. Os estudantes de Lugo, pola súa banda, visitarán a olería de Bonxe, comerán no restaurante soberino La Cantina e gozarán dunha travesía en catamarán.
Inscrición rápida e sinxela
Todos os interesados en participar en Km0 poden inscribirse de xeito rápido e sinxelo chamando ó número de teléfono 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, cubrir o formulario e envialo á km0@deputacionlugo.org A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas. Quedan excluídos da modalidade de pago todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación, onde o usuario ten que pinchar, á esquerda do portal, no apartado Ocio, onde atopará un link cos itinerarios. Optando por esta alternativa os participantes teñen un desconto do 10% no custe das actividades.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
