Campaña Día da nai do Casco Histórico de Viveiro
Para conmemorar a festividade do Día da Nai, a Asociación de Comerciantes Casco Histórico de Viveiro organiza a campaña “Unha foto con mamá”. O venres día 4 de maio de 17 a 20:30 horas e o sábado de 11 a 14 horas, na carpa situada na Praza Maior de Viveiro instalaremos un pequeno estudo fotográfico onde realizaremos unha sesión de fotos a todas nais que se acheguen cos seus fillos/as, ou ata a tres xeracións xuntas, avoas, fillas e netos/as.
O obxectivo é buscar a mellor imaxe que capte a esencia do Día da nai. Todas as fotos serán valoradas por un xurado e a que obteña a mellor valoración será a gañadora de 300 euros en vales de compra a trocar no prazo dun mes. Todas aquelas persoas que queiran levar algunha das súas fotos de recordo, poderán facelo nas oficinas do Casco Histórico, abonando un importe simbólico como colaboración coa Asociación.
Buscamos a imaxe das mamás de onte e de hoxe, das máis tradicionais ás máis modernas e actuais. Distintas xeracións de nais cos seus fillos que mostren á nosa cámara que “Nai non hai máis que unha” e iso reflíctese na complicidade que temos con elas.
Unha actividade para realizar en compañía das nosas nais, fillo/as, avoas, netos/as e quedarnos cun bonito recordo do Día da nai do ano 2012, porque elas, merécenllo todo.