O BNG PIDE AO PP QUE EXPLIQUE OS RECORTES QUE APLICA O SEU PARTIDO NOS SERVIZOS SOCIAIS QUE AFECTAN ÁS PERSOAS MAIORES
É hipócrita que o PP fale dos esforzos e homenaxes ás persoas maiores ao tempo que limita o servizo sanitario público e elimina as axudas aos concellos en servizos sociais.
Os recortes da Xunta do PP no Servizo de Axuda no Fogar baixaron en Cervo de 25.000 euros no 2010 a 6000 no 2011 até os cero euros no 2012 co Decreto 99/2012 de 16 de marzo.
Cervo, 30 de abril de 2012. O BNG cualificou de hipócritas as declaracións de responsabeis do grupo de goberno de Cervo que sen rubor falan de esforzos e homenaxes ás persoas maiores do concello ao tempo que amparan e falsean a realidade dos brutais recortes promovidos polo seu partido político na Xunta e no Estado en política social e sanitaria. O portavoz municipal nacionalista, Xoán Antón Estúa García afirmou que o Decreto 99/2012 de 16 de marzo no seu artigo 47 deixa sen financiamento autonómico ao Servizo de Axuda no Fogar que afecta en Cervo a 40 usuarios e usuarias, fundamentalmente maiores, e outras que están en lista de espera por razóns económicas. O nacionalista subliñou os orzamentos do Estado recortan nun 48% as previsións de usuarios contidas no Servizo de Axuda no Fogar incluída para o Plan Concertado e a Xunta presidida por Feijoo lonxe de demandar incrementos económicos nestas partidas segue ao ditado co Decreto 99/2012 o mandato de Madrid.
En xogo 40 usuarios do SAF mais os que están en espera de atención, 16 postos de traballo entre SAF e o PAI ao que asisten 22 nenos e nenas.
Os nacionalistas explicaron que no caso de Cervo está en xogo a atención de 40 usuarios e usuarias do servizo de axuda no fogar mais un número indeterminado en lista de espera pero tamén a atención de 22 nenos e nenas inscritos no Punto de Atención Infantil e 16 postos de traballo necesarios para manter estes servizos. Estúa advertiu que o propio decreto obriga a unha modificación da ordananza de do Servizo de Axuda no Fogar(SAF) e o Plan de Axuste aprobado recentemente polo goberno local xa prevé o cobro polo servizo do P.A.I. ao que asisten 22 nenos e nenas. Os nacionalistas insisten en que será moi difícil manter estes servizos cofinanciados fundamentalmente polo concello, a Deputación e a Xunta si esta última retira totalmente a súa aportación.
A Deputación coa Area de Benestar xestionada polo BNG xa puxo mais que a propia Xunta nos últimos dous anos
Os nacionalistas cervenses lembraron que os datos son claros en relación ao concello sobre o cumprimento de responsabilidades por parte da administración autonómica e a Deputación nos dous últimos anos: no ano 2010 a Consellaría de Benestar aportou para o Plan Concertado 25.242,53 euros por 45.484 en axudas a políticas sociais da Deputación e no 2011 a Xunta rebaixou a 5.961,2 euros a súa aportación mentres a Deputación subvencionou con 26.315 euros. Agora no 2012 coa publicación do Decreto 99/2012 a Xunta baixa a cero a súa participación, “mentres os representantes políticos do PP de xeito hipócrita piden correponsabilidade á Deputación obvian que esta xa estaba aportando mais e agora queren que o poña todo”, afirmou Estúa.
Os orzamentos do Estado e o Decreto 99/2012 da Xunta dinamitan o Servizo de Axuda no Fogar
Estúa criticou a dobre moral dos representantes municipais do PP “aos que se lles enche a boca falando do seu apoio aos maiores mentres dinamitan o financiamento dos servizos sociais para persoas maiores”, O nacionalista advertiu que o Decreto 99/2012 é a continuación do orzamento do Estado para 2012 que diminúe nun 48% as previsións de usuarios e usuarias do Servizo de Axuda no Fogar que terá efectos demoledores tanto no emprego como na prestación asistencial.
Remitido
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
