A OCUPACIÓN HOTELEIRA DURANTE A SEMANA SANTA SITUÓUSE EN BURELA ENTRE O 70 E O 80%. A CONCELLEIRA DE TURISMO FAI UNHA VALORACIÓN MOI POSITIVA DESTES DATOS.
Burela, 10 de abril de 2012. A ocupación hoteleira en Burela durante a semana santa situóuse entre o 70 e o 80%, segundo os datos ofrecidos esta mañá pola concelleira de Turismo, Mónica Pedre.
A edil popular asegurou estar satisfeita, “consideramos que este nivel de ocupación rexistrado nos días fortes da semana santa, é dicir xoves, venres e sábado, indica que a hostelería de Burela pisa forte”. Mónica Pedre subliñou que “nos últimos anos se aumentou de xeito considerable a oferta hoteleira na nosa vila e iso está a contribuir nos datos positivos que estamos a rexistrar. O sector da restauración tamén acadou resultados importantes estes días. Falamos con moitos empresarios e comentáronnos que foi a mellor semana do último ano”.
O porto pesqueiro, o paseo marítimo ata a praia da Marosa ou o Monte Castelo foron algunhas das zonas máis visitadas ao longo da semana santa polos turistas que se achegaron a Burela.
A concelleira de Turismo tamén se referiu ás procesións, “algunha quedou un pouco deslucida pola chuvia e houbo que suspender tamén algunha máis, pero en liñas xerais os organizadores da semana santa quedaron satisfeitos”. Tamén é positivo o balance sobre o Aversion Fest. Mónica Pedre dixo que “todos quedamos bastante contentos e tanto os organizadores do Aversion Fest coma os da semana santa xa se están a traballar nos programas do vindeiro ano 2013”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
