O CONCELLO ORGANIZA UN ACTO DE HOMENAXE AO POLICÍA NACIONAL RODRIGO MASEDA. TODO APUNTA, SEGUNDO O ALCALDE, A QUE SE CELEBRARÁ O VINDEIRO 28 DE ABRIL. ESE DÍA DESCUBRIRASE UN MONOLITO NA PRAIA DO CANTIÑO, Á QUE O AXENTE FALECIDO NO ORZÁN ESTABA MOI VINCULADO.
Ribadeo, 10 de abril de 2012. O Concello de Burela organiza un acto de homenaxe ao policía nacional Rodrigo Maseda. Todo apunta, segundo o alcalde, José Mª González Barcia, a que se celebrará o vindeiro 28 de abril. Ese día descubrirase un monolito na praia do Cantiño, á o que o axente falecido na traxedia do Orzán estaba moi vinculado.
O Concello de Burela organiza un acto de homenaxe a Rodrigo Maseda, que se celebrará “casi con toda seguridade para o vindeiro 28 de abril ás doce do mediodía, acto de homenaxe que foi falado coa familia en varias ocasións para perfilar de común acordo con eles a idea que tiña o Concello, que é intentar que sexa un acto no que o pobo de Burela lle brinde o seu recoñecemento a este policía nacional que deu a súa vida por outras persoas”, segundo explicou esta mañá o rexedor.
González Barcia sinalou que “o acto vai consistir na colocación dun monolito cunha placa, prácticamente ao comezo da baixada da praia do Cantiño. Elexíuse esta zona de acordo coa familia porque Rodrigo Maseda era un namorado da praia do Cantiño, pasaba alí boa parte do seu tempo libre, alí nadaba, alí disfrutaba do seu tempo de ocio e, repito, de común acordo coa familia optamos por colocar alí un monolito cunha placa que en liñas xerais poña o pobo de Burela, en recoñecemento ao policía nacional Rodrigo Maseda”.
O alcalde convida “a todos os cidadáns bureleseses a que pariticipen ese día nesta homenaxe. Insisto, non está a data cerrada de forma definitiva, pero con casi toda seguridade será para o dia 28 de abril. Tiñamos barallado a posibilidade de que fose o día 14, pero xa había prevista unha homenaxe tamén a outro cidadán de aquí, de Burela, a Martín, que foi unha das persoas que iniciou a romaría do monte castelo”. González Barcia engadiu que “estaba previsto tamén, logo despois, cambiar a homenaxe a Rodrigo Maseda para o dia 21 de abril, pero vaise celebrar unha homenaxe aos tres policías falecidos no Orzán en conxunto as forzas e corpos de seguridade do estado que participaron nas labores de busca e de rescate na Coruña. Ese día 21 é unha homenaxe organizada polo goberno do Estado en Coruña e como tampouco queriamos facer o acto de Burela antes dos actos institucionais organizados polo goberno da nación optamos por elixir o día 28 de abril, insisto está sen concretar pero todo apunta a que vai ser ese día”.
O alcalde de Burela, José María González Barcia, asistiu hoxe na Coruña ao acto de homenaxe celebrado este mediodía.
Remitido
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
