O PP local valora moi positivamente a implicación social para buscar un asentamento empresarial en Mondoñedo e ponse a disposición das asociacións
Este movemento confirma que o PP ía acertado solicitando a creación da comisión de participación cidadá
O bipartito negou en dúas ocasións dar cabida ao movemento asociativo na actividade municipal
Candia asegura que a situación que vive Mondoñedo precisa da unión e do esforzo de todos
Mondoñedo, 26 de abril de 2012- O Grupo Municipal do Partido Popular valora moi positivamente a implicación social para buscar un asentamento empresarial en Mondoñedo. Esta forza política ponse a absoluta disposición de todas e cada unha das trinta asociacións así como da Plataforma Mondoñedo Unido para facilitar toda canta información precisen das xestións levadas a cabo e das propostas que fixo o Partido Popular, así como para recoller suxerencias, que permitan acadar o obxectivo que todos buscamos: mellorar a situación que vive a nosa cidade.
Así mesmo o Partido Popular propón que o bipartito debe replantearse a negativa da creación da Comisión de Participación Cidadá, dado que unha vez máis hai datos obxectivos que xustifican a súa creación. En dúas ocasións este partido levou a sesión plenaria, en dúas mocións, a necesidade de crear esta figura, ao que o bipartito se negou, segundo os populares, de xeito absolutamente inxustificado.
A portavoz do PP local, Elena Candia, informa que o Grupo Popular levaraa por terceira vez a debate plenario e deste xeito, se conseguimos que rectifique o bipartito, solicitar a inclusión da Comisión de Participación Cidadá na Mesa de Seguemento creada a raíz do peche de Finsa.
O PP local aproveita ademais para invitar as asociacións a participar activamente nas actividades que a Mesa de Seguemento aceptou a proposta do Partido Popular. A primeira delas terá lugar o vindeiro cinco de maio para analizar un dos posibles sectores que pode xerar emprego na nosa localidade: A XESTIÓN FORESTAL SOSTIBLE, prestando especial atención a biomasa.
Posteriormente en xuño traballarase tamén para a mellora a prol dun dos sectores con futuro na nosa comarca: O TURISMO. Cerra este ciclo en xullo, unha mesa de traballo que se centra en autónomos e pequenas empresas.
O Partido Popular está aberto a outras propostas e amosa a súa dispoñibilidade para tramitalas e solicitar información a todas as administracións implicadas se fora preciso.
Remitido
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
