Hoxe no Pleno do Parlamento, Jose Manuel Balseiro, preguntou á Conselleira do Medio Rural e do Mar, Rosa Quintana sobre as posibilidades de aumento da cota de captura da pescada no 2012, dada a importancia que ten esta especie desde o punto de vista comercial para a flota galega e, sobre todo, para os portos de Celeiro e Burela.
A Conselleira do Mar confirmou que a orixe do interese do Goberno galego, “radica na elevada importancia socioeconómica que esta pesquería ten en España e especialmente en Galicia, onde os pesqueiros con licenza para estas áreas de pesca xeraron en 2010 un total de 115 millóns de euros e máis de 1.500 empregos directos e 10.000 indirectos. A pescada é unha especie obxectivo fundamental para todas as artes, xa sexan de arrastre, palangre de fondo ou enmalle (volanta), tendo un valor comercial alto, alén dunha importante afectación tamén para a flota de bandeiras de Estados Membros pero de capital español. Amais, a pescada do stock norte veu mellorada a súa situación biolóxica nesta área en función da aplicación do Regulamento (CE) n.º 811/2004 do Consello, de 21 de abril de 2004, polo que se establecen medidas para a recuperación da poboación desta especie, o que permite que ata a propia Comisión Europea, baseándose nos ditames científicos, indiquen unha subida da biomasa”
Rosa Quintana tamén explicou que a “primeira proposta da Comisión para establecer o TAC levaba a unha redución do 11% para o presente ano, estableceuse un debate no que España puxo derriba da mesa un informe do Instituto Español de Oceanografía no que se achegaban datos clarificadores sobre as posibilidades de suba. Así, deuse conta de que o nivel do stock de reproductores no ten deixado de subir desde 1998 e estímase que en 2011 alcance o seu valor histórico máis alto, achegándose ás 140.000 toneladas, sendo esta biomasa a máis alta desde 1978 e posiblemente desde antes. Con todo, a tardanza da achega desta información e das consideracións científicas ao ICES impediron que se tivese en conta, cedéndose, por parte da propia comisaria Damanaki, un compromiso de revisión do TAC en xuño, ao xeito do realizado en outros casos de TAC. Neste senso, desde este Goberno estamos en contacto permanente coa Secretaria Xeral de Pesca para ver a evolución da achega, realizada o pasado 26 de xaneiro, e avaliación desta información a Europa, de xeito que a correcta tramitación e asunción por parte do ICES e do Comité Científico, Técnico e Económico da Pesca nos permita dispor de maior cota xa para este ano”
Jose Manuel Balseiro preguntou, na réplica a Rosa Quintana, si a Xunta tiña coñecemento do taslado dos informes científicos do Instituto Español de Oceanografía á Comisión Europea xa que eran básicos para que os organismos comunitarios consideran un aumento da cota para 2012 e incrementar así as posibilidades de pesca desta especie. Ao mesmo tempo agradeceu o traballo da Xunta a prol dos intereses do sector pesqueiro galego e no liderado das xestións para que en Europa atendan a unha mellora progresiva dos límites de captura da pescada (merluza).
En resposta a esta pregunta Rosa Quintana explicou:
Primeiro. Que a Comisión sí plasmou o seu compromiso de reconsiderar o TAC da pescada na resolución 4 que di literalmente:
[…] A Comisión recoñece que as últimas enquisas de outono sobre o stock da pescada do norte poden proporcionar datos adicionais que permitirán aos científicos reconsiderar a taxa de mortalidade por pesca constante ao rendemento máximo sostible para esta poboación. A Comisión presentará esta información aos seus órganos de asesoramento científico e revisarán as posibilidades de pesca desta poboación no transcurso de 2012 si un novo ditame sobre a base desa información fose emitido polos seus órganos consultivos. […]
Segundo. Respecto do envío que “efectivamente, foi remitido o pasado día 26 de xaneiro, un día despois de que Carlos Domínguez, tomase posesión do seu cargo e logo de recibir a petición de palabra nese mesmo día da toma de posesión pola miña parte dada a importancia do asunto
Finalmente amosouse convencida de que no Ministerio son sabedores da importancia que para nós ten este asunto e cónstame que así o plasmaron nese inmediato envío. Amais, confiou “no saber facer do secretario general de Pesca e na do seu subdirector xeral de Protección de Recursos Pesqueiros, Enrique de Cárdenas” e asegurou que “en mellores mans non podemos estar”.
Remitido
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
