A deputada popular demanda, ademais, a elaboración dunha proposta de actuación para a súa corrección, que se levaría a cabo en colaboración co Concello e coa Diocese de Mondoñedo-Ferrol
EMMA ÁLVAREZ SOLICITA Á XUNTA A REALIZACIÓN DUN ESTUDO SOBRE OS DANOS OCASIONADOS POLO DESPRENDEMENTO DA FACHADA DA IGREXA DO MOSTEIRO DE SAN SALVADOR DE LOURENZÁ
Santiago, 30 de abril de 2012.- A deputada do Grupo Popular Emma Álvarez Chao presentou unha proposición non de lei a través da que se insta á Xunta de Galicia a realizar un estudo técnico completo para determinar os danos ocasionados polo desprendemento do capitel dereito da fachada da igrexa do Monteiro de San Salvador de Lourenzá que permita elaborar unha proposta de actuación para a súa reparación, que se levaría a cabo contando coa colaboración do Concello e a Diocese de Mondoñedo-Ferrol.
O pasado 7 de abril tivo lugar a caída do capitel dereito da fachada da igrexa do Mosteiro de San Salvador de Lourenzá, unha peza barroca proxectada por Casas e Novoa que está considerada precedente arquitectónico da fachada do Obradoiro da Catedral de Santiago de Compostela.
CONSERVACIÓN
Ante esta situación, Álvarez Chao presentou unha proposición para que a Xunta de Galicia leve a cabo un estudo técnico completo sobre os danos ocasionados no mosteiro por este desprendemento, ao tempo que, en colaboración coa Diocese de Mondoñedo-Ferrol, inicie as accións necesarias para a reparación dos desperfectos, así como das actuacións de conservación mínimas imprescindibles para evitar danos futuros na fachada.
Por último, a deputada popular solicita ao Goberno galego que preste á Diocese de Mondoñedo-Ferrol, propietaria do mosteiro, o asesoramento técnico necesario para establecer un plan de conservación da fachada e evitar novas situacións de deterioro do monumento e de perigo para os veciños de Lourenzá.
Remitido
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
