OS SOCIALISTAS PÍDENLLE Ó GOBERNO QUE ATENDA AS PROPOSTAS DOS VENDEDORES DO MERCADO SEMANAL DE SAN CIPRIÁN PARA INTENTAR CHEGAR A UN ACORDO
-Subliñan que “os vendedores notaron nestes últimos meses unha baixada das ventas e din que non poden afrontar máis pagos. O empobrecemento do mercado semanal afectaría moito ó resto do comercio local”
CERVO, 18 DE ABRIL. O Grupo Municipal Socialista de Cervo lamenta as críticas vertidas ós medios polo concelleiro de seguridade, José Manuel Soto, tras simplemente “facer público o malestar dos vendedores ambulantes do mercado semanal de San Ciprián, despois de que o pasado xoves, persoal do Concello lles entregara as bases da convocatoria para a adxudicación dos distintos postos, así coma os novos prezos resultantes da suba das taxas”.
Dende o PSOE de Cervo, esixen “un pouco de responsabilidade ó equipo de goberno nas súas declaracións, pois interpretan unha petición coma unha crítica. Tan só fixemos pública a opinión dos afectados e solicitamos que o alcalde atenda as súas propostas”.
Ao mesmo tempo, esperan que “algún membro do equipo de goberno se pase polo mercado este xoves e comproben eles mesmos o sentir dos vendedores. Precisamente, non verán moita satisfacción, senón todo o contrario. Os afectados aseguran que dende outubro, mes no que se aprobaron as novas condicións, viven nunhas circunstancias peores. Din que nos últimos tres meses notaron moito a baixada das ventas e que non poden afrontar máis pagos”.
Os socialistas afirman que “só pretendíamos trasladarlle o problema ó equipo de goberno, pois eles son os únicos que teñen capacidade política para darlle solución. Esperamos que toda esta situación se solucione o antes posible e que as dúas partes cheguen a un acordo, porque de non ser así a afluencia de vendedores ambulantes ó mercado de San Ciprián podería sufrir unha merma importante. Merma que tamén afectaría ó comercio e á hostelería local, pois a celebración do mercado cada xoves non deixa de ser un aliciente máis para a dinamización da economía de todo o concello”.
Remitido
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
