A APA do Sagrado Corazón de Jesús de Ribadeo fixo a excursión anual e programa a festa de fin de curso

Excursión da APA do colegio Sagrado Corazón de Jesús de Ribadeo.
O pasa sábado día 26 de maio, a APA do colegio Sagrado Corazón de Ribadeo, celebrou a sua excursión anual.
Nesta ocasión o destino foi Asturias.
A saida foi ás 8 da mañá e a expedición formada por nenos e pais, dirixiuse ó Museo da Minería, sito en El Entrego.
Alí puideron ver unha fermosa réplica dunha mina, ter unha noción do duro traballo dos mineiros e facer un repaso pola historia das ferramentes e materiais empregados neste duro oficio.
Ó medio día, dirixíronse ó Palacio de los niños, na capital Asturiana. Neste gran centro de ocio infantil, procedeuse en primeiro lugar á comida dos nenos, posteriormente, mentres os nenos disfrutaban dos xogos atendidos por monitores, os pais compartiron un par de horas comendo tranquilamente e de tertulia.
Finalmente, pais e nenos participaron nun espectáculo de pompoloxía, o que poñía fin á visita deste magnífico parque.
Volta para a casa e chegada ás 20.30 horas.
Tanto nenos como adultos disfrutaron dunha boa xornada de convivencia.
A APA do colegio Sagrado Corazón de Ribadeo, organiza unha festa de fin de curso para os seus asociados, que se celebrará o día 30 de xuño na área recreativa de Santa Cruz. Contarán con animadores profesionais e haberá xogos populares, nos que participarán pais e nenos, comida campestre e moita diversión.