A BASE LARANXA, LÍDER NA FINAL DA COPA DA MARIÑA
A ED EON Burela FS pechou unha brillante fin de semana para a familia laranxa. Ás importantes vitorias dos equipos sénior sumouse a meritoria participación das categorías de base na fase final da Copa da Mariña, que acolleron os pavillóns Monte Castelo e Vista Alegre.
O Burela FS Espina & Delfín alzouse co título tras un contundente 11-0 fronte ao Escola Celeiro Flanagan’s. O conxunto infantil, de Carlos Méndez, fixo o propio fronte ao ACD Xove (10-1). A base laranxa ateigou o podio cos seus tres representantes; o ED EON B conseguiu a terceira praza sobre o AD Praia de Covas (5-3) e na final medíronse os equipos A e C, con 7-0 para os primeiros. Entre os máis pequenos, a escola burelista tamén finalizou terceira, tras impoñerse aos celeirenses (9-2).
Copa Nacional Xuvenil. O equipo de Iván Cao, Lucas, finalizou a primeira fase da Copa cun rotundo 9-1 no derbi fronte ao Cidade de Viveiro. Así remata na segunda praza do grupo, por detrás do Azkar Lugo, e accede á final na que exercerá de anfitrión, a mediados de xuño. O seu rival será o Autos Lobelle FS, como campión do Grupo 2.
Copa da Mariña
Fase final
ED EON Burela FS Benxamín A 2-4AD Praia de Covas Benxamín (SEMIFINAL 1)
ED EON Burela FS Alevín A 6-0 ED EON Burela FS Alevín B (SEMIFINAL 1)
AD Praia de Covas Alevín 1-3 ED EON Burela FS Alevín C (SEMIFINAL 2)
3º e 4º posto BENXAMÍN: ED EON Burela FS 9-2 Escola Celeiro Flanagan’s
3º e 4º posto ALEVÍN: ED EOn Burela FS B 5-3 AD Praia de Covas
FINAL ALEVÍN: ED EON Burela FS A 7-0 ED EON Burela FS C
FINAL INFANTIL: ED EON Burela FS 10-1 ACD Xove
FINAL CADETE: Burela FS Espina & Delfín 11-0 Escola Celeiro Flanagan’s
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
