A CONSELLERÍA DE CULTURA E EDUCACIÓN REFORZARÁ AS TITULACIÓNS DO CAMPUS DE LUGO
A Consellería apoiará todas as propostas da USC que permitan manter e consolidar a actual oferta de graos do campus
O departamento educativo da Xunta seguirá a impulsar accións de discriminación positiva para os campus non centrais, co obxecto de mellorar a súa competitividade
Lugo, 28 de maio de 2012.- A Consellería de Cultura, Educación e Ordenación Universitaria reforzará as titulacións do Campus de Lugo para que este acade no 2015 os niveis de especialización e calidade que lle permitan manter unha posición de competitividade dentro do Sistema Universitario de Galicia (SUG), para o cal, serán especialmente consideradas as propostas que a Universidade de Santiago de Compostela (USC) presente nos vindeiros anos de cara a mellorar a actual situación do Campus de Lugo, poñendo en valor as súas fortalezas e potenciando a proxección de futuro como núcleo revitalizador do seu entorno socioeconómico.
En relación ás noticias aparecidas os últimos días nos medios de comunicación relativas á situación das titulacións do Campus de Lugo, cómpre lembrar que a Secretaría Xeral de Universidades nunca manifestou intención algunha de reducir o actual número de titulacións actualmente ofertadas polo campus de Lugo. Ao contrario, a Consellería ten incidido na necesidade de lograr que varias titulacións das actuais acaden un nivel de referencia internacional e sirvan de motores de desenvolvemento para o campus, a cidade e o tecido produtivo de Lugo.
Coa seu compromiso co reforzo do Campus de Lugo queda novamente de manifesto o apoio que dende a Consellería de Cultura, Educación e Ordenación Universitaria se vén demostrando respecto dos campus non centrais coa posta en práctica de medidas efectivas de discriminación efectiva para reforzar o seu papel en aras dun maior equilibrio territorial. Hai que lembrar que nestes anos, por primeira vez na historia, a Consellería tomou medidas de discriminación positiva para os campus non centrais, vinculando partidas específicas do plan de financiamento a indicadores destes campus, así coma incluíndo puntuacións adicionais nas convocatorias de investigación universitaria pola presenza de profesorado de Lugo.
A demanda mínima nos graos
A Consellería de Cultura, Educación e Ordenación Universitaria, como responsable da coordinación do SUG, publicou o pasado 9 de decembro o Decreto 222/2011 no que se regulan as ensinanzas universitarias oficiais no ámbito da Comunidade Autónoma de Galicia.
Segundo o artigo 6, as universidades deberán demostrar, nas titulacións de grao, que o número de estudantes de novo ingreso antes do inicio do período lectivo, non sexa inferior a 50 nos campus de A Coruña, Santiago de Compostela y Vigo e de 45 nos campus de Ferrol, Lugo, Ourense e Pontevedra.
No caso de aquelas titulacións en que a media do número de alumnos de novo ingreso, durante os últimos tres cursos fose inferior ao establecido, a universidade afectada deberá elaborar un plan de viabilidade que modifique o plan de estudos de modo que o faga mais adecuado á demanda de cada momento.
Para os graos actualmente en vigor seranlles de aplicación as anteriores consideracións a partir do curso académico 2015/2016. Así, ao longo destes tres vindeiros anos, as tres universidades do Sistema Universitario de Galicia en conxunción coa Secretaría Xeral de Universidades estarán a traballar na remodelación daquelas titulacións que así o requiran, facendo unha oferta máis racional por centros e axustándoas ás cambiantes necesidades socioeconómicas da zona. Tenderase á especialización dos campus, de tal xeito que atendendo cada caso en particular, se realicen as modificacións oportunas, fusións de titulacións ou propostas de supresións de xeito que se cumpran os requisitos esixidos no Decreto 222/2011.
Debemos lembrar que as universidades do SUG foron partícipes do proceso de elaboración desta norma que, ademais, obtivo o informe favorable unánime do Consello Galego de Universidades, co voto a favor dos reitores das tres universidades galegas e dos tres presidentes dos consellos sociais.
.
SAÚDOS, GABINETE DE COMUNICACIÓN DA CONSELLERÍA DE CULTURA, EDUCACIÓN E ORDENACIÓN UNIVERSITARIA
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
