A Fundación TIC realizou máis de 500 actividades e produtos audiovisuais en 2011
-O Padroado aproba as contas do ano pasado cun grado de execución do 98,8% e co cumprimento do obxectivo de estabilidade presupostaria
– Gómez Besteiro destaca o importante esforzo económico que realiza o organismo provincial “para aforrar ás familias o custo da matrícula, que volverá ser gratuíta por quinto curso consecutivo na EIS, a única Escola de Imaxe e Son da provincia”
– A TIC apoiou á economía da provincia coa promoción dos autónomos e pequenos empresarios e incrementou nun 50% o número de convenios con asociacións sen ánimo de lucro
O Padroado da Fundación TIC, dependente da Deputación, aprobou este luns a conta anual do exercicio 2011 cun grado de execución do 98,8% do presuposto que ascendeu a 1.527.000 euros, e que cumpre co obxectivo de estabilidade presupostaria. Na sesión, á que asistiron os membros do Padroado designados por cada un dos grupos políticos e os expertos do sector -o director Jorge Coira e o produtor José María Besteiro- tamén se analizou a memoria de actividades de 2011 que incluíu máis de 500 actividades e produtos audiovisuais baseados nos principios fundacionais da institución: a educación e formación e a produción e promoción.
O Presidente da Deputación e da Fundación, José Ramón Gómez Besteiro, destacou o importante esforzo económico que está a facer o organismo provincial que o ano pasado aforrou ás familias o custo das matrículas na Escola de Imaxe e Son, o único centro que imparte ensinanzas da rama audiovisual na provincia de Lugo. “Neste momento de crise, no que desde as administracións debemos priorizar o destino dos fondos públicos, consideramos que a educación pública e de calidade é un dereito básico ó que debe poder acceder calquera persoa que teña interese en mellorar a súa formación, independentemente do seu poder adquisitivo”.
Apoio á economía da provincia
Gómez Besteiro tamén subliñou “o apoio que a Fundación está a prestar á economía lucense, nunha época especialmente complicada para o sector, a través de actuacións encamiñadas a promocionar ós autónomos e pequenos empresarios, que forman a base económica da provincia e que son os principais xeradores de emprego”. Lembrou, a elaboración de vídeos promocionais das empresas integradas na Asociación de Empresarias de Lugo ou o apoio a iniciativas organizadas pola Asociación de Autónomas, Empresarias e Profesionais de Lugo, como “A Noite Aberta” ou a Feira Oulet.
Ademais, contribuíuse a difusión a do VI Congreso Mundial do Xamón celebrado en Lugo e realizáronse reportaxes a empresas da provincia como Caurelor, Milhulloa, Marcelle ou Regal Cerámica.
Formación pública e de calidade
Na memoria de actividades da EIS, a única Escola de Imaxe e Son da provincia, destaca a elaboración por parte dos alumnos do primeiro movie map de Galicia, no que se recollen os espazos de rodaxe da película “Romasanta”. Ademais, dentro da aposta da Fundación por completar a formación práctica e facilitar a súa inserción laboral, os alumnos da Escola organizaron as galas de clausura e de presentación das curtas que realizaron durante o curso. Tamén participaron, baixo a supervisión de profesores e técnicos da TIC, na gravación e realización da segunda Gala Lucus Moda, e nas gravacións de DVDs promocionais de campañas como “A Note Aberta” ou “Son de Lugo”.
Polo que se refire ó programa de bolsas de formación, no que participan máis de 70 empresas, en 2011 incorporáronse firmas como Adolfo Domínguez. Ademais, mantívose unha relación intecurricular con outros centros educativos como o IES Foz, coa gravación do campionato de baritas, ou co IES Muralla Romana .
Promoción da provincia
No pasado exercicio, a Fundacion incrementou nun 50% os convenios de colaboración con asociacións culturais e deportivas sen ánimo de lucro e empresas tecnolóxicas da provincia para a realización de espazos de divulgación. A través de reportaxes e spots deuse a coñecer o labor que están a desenvolver en prol da sociedade, a cultura e o deporte base e no desenvolvemento económico da nosa provincia.
Dentro da aposta pola cultura e o deporte, a TIC gravou e elaborou, entre outros, DVDs sobre “A Noite de Merlín”; a homenaxe ó actor Luis Tosar; e a obra “As alegres comadres” da compañía de teatro “Achádego”. Elboráronse traballos audiovisuais para conmemorar o decimoquinto aniversario da Cova da Terra e da Asociación Fiandeira e o vixésimo do nacemento dos Valouros. Con fins etnográficos: as primeiras xornadas sobre Migración e Indianos organzadas pola Liga Santaballesa de Vilalba; “A Escola dos nosos Avós” da UNDED sénior; e os xogos tradicionais de Xotramu. Ademais, cubríuse a Superliga de Voleibol para a súa emisión en directo en Canal+ e Popular TV.
A TIC apoiou tamén ós músicos da provincia coa elaboración de vídeoclips de grupos como Escala Drinker, Surface; Voodoo Crow e Arandela, e gravou o CD que recolle cancións dos 33 grupos que participaron en “Xoves con Arte”. Tamén editou CDs das corais da provincia dentro da colección “Sons lugueses” e organizou actividades extraescolares para nenos e nenas en apoio á eurovisva Lucía Pérez.
Ademais promocionouse ós Concellos e ás actividades que xeneran. Relizáronse e difundíronse, entre outras, as festas da galiña de Mos, do mexilón de Becerreá, da Virxe do Carme de Foz, dos torneiros de Xermade ou do pemento de Mougán; tamén a feira de Santos de Monterroso ou os mercados medievais de Vilalba e Mondoñedo. O espazo “Camiñando con Juan de Muxa” achegounos a lugares pouco coñecidos da nosa provincia.
Preinscrición para 2012/2013
A comezos de xuño abrirase o prazo de preiscrición para o curso académico 2012/2013 para o que se ofrecerán 44 novas prazas, 22 para o módulo de Produción e outras tantas para o de Realización. Dende o inicio da actividade da EIS, a única da provincia, máis de 250 alumnos cursaron os seus estudos de produción e realización. O de 2011 foi o curso no que, por terceira vez, se cubriron todas as prazas e no que, debido ó éxito da demanda, houbo unha ampla lista de espera.
Obxectivo da Fundación TIC
A Fundación para o Desenvolvemento das Tecnoloxáis da Información e Comunicación é unha entidade sen ánimo de lucro promovida pola Deputación e sobre a que exerce o protectorado a Consellería de Educación.
É un instrumento que promove a formación e a produción no ámbito das novas tecnoloxías da información e da comunicación. Neste caso, a súa actividade está dirixida ó fomento da educación, da investigación e o desenvolvemento das TIC, así como o impulso e consolidación da denominada sociedade da información de maneira que se contribúe a mellorar a formación relativa a estas tecnoloíxas na provincia de Lugo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
