O BNG INTERÉSASE NO PARLAMENTO POLA FALTA DE ACTIVIDADE DO SERVIZO GARDACOSTAS NA MARIÑA
Mentres se produce esta parálise a Consellaría de Pesca anima ás confrarías a que organicen cós seus medios a vixianza dos bancos marisqueiros.
A Mariña, 28 de maio de 2012. Bieiro Lobeira Dominguez en Manuel Parga Núñez, deputados do Grupo Parlamentar do Bloque Nacionalista Galego(BNG), ao abeiro do Regulamento da Cámara, presentan a seguinte pregunta para a súa respostas oral en comisión, relativa á inactividade o Servizo de Gardacostas de Galiza na costa da comarca da Mariña:
Hai xa mais dun ano que non hai ningunha embarcación de vixilancia pesqueira do servizo de gardacostas de Galiza en ningún porto da comarca da Mariña. Esta decisión é irresponsábel pois deixa os bancos marisqueiros e os caladoiros pesqueiros sen ningunha protección e nunha situación de auténtica indefensión, mais aínda en tempos de incremento do furtivismo como os que se están a vivir na actualidade.
Estas son as razóns que levan ao BNG a formular as seguintes preguntas para resposta oral na Comisión de Pesca:
1) Por que razón se deixa a costa da Mariña sen ningunha embarcación de vixilancia pesqueira con base permanente nalgún dos portos da comarca?
2) E consciente do impacto desta situación sobre o sector pesqueiro e marisqueiro?
3) Ten previsto a Consellaría do Medio Rural e do Mar rectificar esta situación?