Avancemos na construción dun novo referente do galeguismo político e da esquerda nacional
Construamos un espazo da esquerda renovadora desde a radicalidade democrática
16 de maio de 2012
O Espazo EcoGaleguista valora positivamente o avance na mesa de diálogo entre AGA, EI, +G e mais EcoGaleguistas para constituír un novo proxecto político situado no galeguismo e na esquerda transformadora.
Na mesa de grupos reunida onte, 15 de maio día da indignación cívica, en Compostela aceptouse unanimemente a proposta de EcoGaleguistas de reiniciar o proceso asembleario baixo tres criterios mínimos: o impulso multilateral, a apertura á sociedade ‘extramuros’ do que foi o BNG e as convocatorias de base local, ademais de limitar temporalmente o proxecto por mor da convocatoria electoral.
Con todo, e dado que os ritmos e os procesos de cada colectivo son diferentes, este acordo non foi posible e só foi posible asinar un acordo político e programático entre AGA, +G e mais EcoGaleguistas, froito do traballo realizado no “obradoiro de ideas” das pasadas semanas.
Espazo EcoGaleguista entende que é moi importante, na súa función de estimulador de novas ideas, que o borrador programático que nos próximos días se presente por Galicia teña unha compoñente moi importante das nosas elaboracións.
En todo caso, Espazo EcoGaleguista vai seguir traballando para que existan vasos comunicantes, co obxectivo de que non se distancien ambos procesos, e vai seguir a participar tanto nas asembleas nas que xa estaba, coma no necesario proceso de presentación pública do acordo con +G e AGA (anexamos comunicado conxunto).
Espazo EcoGaleguista vai seguir o seu proceso constituínte que remata o 26 de maio, pois entendemos que a fortaleza do espazo cultural ecosocialista e renovador será importante para a construción do novo referente político nacional. Namentres, non daremos ningún paso de confluencia orgánica con ningún dos outros tres colectivos.
Espazo EcoGaleguista abordará na súa asemblea constituínte do 26 de maio os aspectos relacionados coa nosa formación como partido 2.0 e a nosa resolución favorable a facilitar procesos de converxencia orgánica no espazo da esquerda nacional renovadora e nas novas formas de entender a política desde a radicalidade democrática.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
