ECONOMÍA E INDUSTRIA DESTINA 400.000 EUROS A APOIAR PROXECTOS COLECTIVOS EMPRESARIAIS PARA MELLORAR A COMPETITIVIDADE DAS PEMES
As bases publicadas hoxe permitirán apoiar iniciativas abertas de difusión de técnicas, metodoloxías, ferramentas ou boas prácticas nos eidos da innovación e a competitividade
A organización de xornadas técnicas, seminarios, foros ou premios de carácter empresarial nas provincias de Lugo, Ourense, municipios das comarcas de Ferrol, Eume e Ortegal e Costa da Morte terán prioridade
O prazo de presentación de solicitudes rematará o vindeiro 18 de xuño
Santiago, 16 de maio de 2012.- A Consellería de Economía e Industria destina 400.000 euros, a través do Igape, a apoiar proxectos colectivos empresariais destinados a facilitar a mellora da competitividade das pemes mediante o impulso a iniciativas abertas de difusión sobre os recursos existentes neste ámbito. O prazo de presentación de solicitudes rematará o vindeiro 18 de xuño.
As axudas publicadas hoxe no Diario Oficial de Galicia permitirán apoiar, no ámbito dunha convocatoria en réxime de concorrencia competitiva, actividades de difusión como a organización de xornadas técnicas, seminarios, foros ou premios dirixidos á difusión de técnicas, metodoloxías, ferramentas ou boas prácticas nos eidos da innovación e a competitividade celebradas en Galicia entre o 1 de outubro de 2011 e 30 de setembro de 2012.
Entre as novidades da convocatoria está a inclusión, como factor de discriminación positiva no marco dos Plans Impulsa, Revive e Plan Ferrol, da localización na celebración de xornadas técnicas, seminarios, foros ou premios de carácter empresarial, apoiándose de maneira especial as iniciativas realizadas nas provincias de Lugo, Ourense e Municipios das comarcas de Ferrol, Eume e Ortegal e Municipios da Costa da Morte.
As bases tamén facilitarán apoios para a organización en Galicia de encontros empresariais entre emprendedores e investidores privados (business angels), así como a organización en Galicia de congresos ou eventos expositivos de alcance internacional.
Deste modo búscase traballar na procura do incremento da competitividade de pemes que, polo seu reducido tamaño e pouca dispoñibilidade de tempo e recursos humanos, principalmente, non teñen fácil poñer en práctica medidas particulares de mellora competitiva.
Estas axudas supoñen un esforzo específico da Consellería de Economía e Industria a prol da colaboración e cooperación interempresarial. Incentivaranse así proxectos e iniciativas promovidas e coordinadas por organismos intermedios de carácter empresarial que poidan implicar en proxectos de interese común a conxuntos de empresas galegas, xerando así o valor engadido das sinerxías, aforros e reciprocidades dos proxectos compartidos, co obxectivo principal de incrementar e dinamizar a actividade económica en Galicia.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
