Lugo acolle por 1º vez a xornada da Asociación Galega de Apicultura sobre o papel das abellas na economía e sostibilidade do medio
– A Deputación colabora con AGA no ciclo de conferencias aberto ó publico, que reunirá ós mellores expertos en Galicia este venres no Salón de Actos do Pazo de San Marcos, a partires das 19:00 horas
– Izquierdo salienta que “é unha oportunidade única para Lugo”, a provincia galega co maior número de apicultores con 1.681 e unha facturación anual de 4 millóns de euros coa venda de 740 mil quilos de mel
– Segundo a UE, as abellas polinizan o 84% das plantas cultivadas e a súa presenza nos campos afecta ó 76% da alimentación, influíndo en “sectores piares da economía como a agricultura ou a gastronomía”
A Deputada de Medio Ambiente e Enerxías Renovables, Sonsoles López Izquierdo, o Secretario Técnico da Asociación Galega de Apicultura (AGA), Jesús Asorey, e o Presidente de Honra de dito colectivo, Abel Yánez, presentaron este mércores a “Xornada Apícola: Galicia, Terra de Abellas”. Trátate dun ciclo de conferencias sobre a influencia das abellas na economía produtiva da Comunidade galega e na sostibilidade do medio que, por primeira vez na historia de AGA, esta asociación datada de 1980 e integrada por 1.000 persoas trae á provincia luguesa. Os mellores expertos en Galicia nesta materia tratarán a multifunción da apicultura este venres, 4 de maio, nunha xornada aberta ó publico ata o límite de aforo, que terá lugar no Salón de Actos do Pazo de San Marcos, a partires das 19:00 horas.
Por este motivo e en primeiro lugar, López Izquierdo agradeceu a este colectivo que elixisen Lugo como escenario desta cita, “decisión que apoiou dende o primeiro momento a institución luguesa, sendo unha oportunidade única” para un sector, como o da apicultura, que, segundo datos de AGA, xera un volume de negocio na provincia de 4 millóns de euros ó ano coa venda dos 740.000 quilos de mel que se producen en Lugo. Esta facturación representa case o 35% do total en Galicia, Comunidade que vende 2 millóns de quilos de mel, acadando 12 millóns de euros anuais.
Emprego
“Con estes datos man, amosamos, unha vez máis, que o medioambiente é a nosa oportunidade económica porque os recursos naturais da nosa provincia xeran riqueza produtiva e postos de traballos”, destacou a Deputada. E é que a Asociación Galega de Apicultura mantén que Lugo é a provincia galega que rexistra o maior número de apicultores con 1.681 persoas. Representan case o 50% do total de Galicia, que suma 3.451 apicultores. Síguelle Ourense, con 773; A Coruña con 676; e Pontevedra con 302.
Este colectivo constata que os montes lugueses e ourensanos son paraxes idílicos para a produción apícola e salienta que, mentres en Lugo se mantiveron o número de apicultores, a crise fixo que en Ourense se reducisen nun 60% co peche de establecementos. Deste xeito, a provincia luguesa conta, prácticamente, coas mesmas colmeas que anos anteriores, unhas 37.000. Por Comarcas, é a de Sarria a que concentra o maior número delas seguida, por esta orde, dos Ancares, Terra Cha, Quiroga, Lugo e A Mariña. Ademais, o 95% dos apicultores lucenses non conta con máis de 50 colmeas, sendo moi poucos os que superan as 150.
Influencia noutros sectores
Segundo datos do parlamento europeo facilitados por AGA, o 80% das plantas con flores e o 84% das plantas cultivadas son polinizadas polas abellas. Ademais, o 76% da alimentación tamén depende da presenza das abellas nosos campos. Isto supón que, máis alá da función produtiva de mel, as abellas son fundamentais para a biodiversidade e conservación do medio. “En definitiva, os nosos recursos naturais, a nosa produción agrícola e a nosa gastronomía, sectores piares da economía luguesa, non sería a mesma de non ser polas abellas”, sentenciou a Deputada.
Ciclo de conferencias
Precisamente, López Izquierdo será a encargada de inaugurar a “Xornada Apícola: Galicia, Terra de Abellas” ás 19:00 horas do vernes e no Salón de Actos. A continuación, Abel Yañez presentará as conferencias que se desenvolverán por esta orde: A apicultura, unha actividade necesaria para a vida na terra, por Xesús Feás, investigador Parga Condal e socio de AGA; Apicultura tradicional en Galicia, por Ernesto Díaz, técnico de La Jurbial Servizos Ambientais; A Vespa velutina, grande avéspora asiática, que quere comer as nosas abellas, por Gonzalo Calvo, veterianario de AGA; Pon unha colmea na túa horta, por Suso Asorey, Secretario Técnico de AGA; Etiquetaxe do mel da produción primaria, sen rexistro sanitario, por Marcos Varela, Técnico de AGA; e Apicultura en Etiopía, por Ovidio Fernández, cámara de TVE en Galicia. Posteriormente e para rematar, o Director Ignacio Vilar presentará a película “Vilamor” coa que colaborou a Asociación Galega de Apicultura.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
