O acordo que aprobe a Cámara trasladarase ao Consello Galego de Pesca para a súa análise e consideración á hora de emitir a opinión conxunta do sector marítimo-pesqueiro e acuícola galego ante este transcendental debate
O GRUPO POPULAR DEFENDERÁ NO PLENO DO PARLAMENTO A CONFORMACIÓN DUNHA PROPOSTA DE PAÍS EN DEFENSA DOS INTERESES DO SECTOR PESQUEIRO GALEGO ANTE A REFORMA DA POLÍTICA PESQUEIRA COMÚN
Jose Manuel Balseiro lamenta que o acordo non fora posible no seo do Grupo de Traballo constituído pola Consellería do Medio Rural e do Mar e os tres grupos parlamentarios, -fundamentalmente pola intransixencia e falta de interese do BNG- pero adianta a importancia de trasladar a Bruxelas unha posición firme e unitaria.
Santiago, 26 de maio de 2012.- O Grupo Parlamentario Popular, a través do seu portavoz do Mar, Jose Manuel Balseiro, vén de rexistrar unha proposición non de lei para o seu debate urxente no Pleno da Cámara autonómica dirixida a conformar unha proposta galega, ante a inminente reforma da Política Pesqueira Común e a determinar a estratexia a seguir para trasladar a Bruxelas as actuacións que se consideren importantes na defensa dos intereses do sector pesqueiro galego. A iniciativa popular pide á galega que asuma como propia a proposta de ditame que recolle os principais puntos abordados nas xuntanzas do grupo de traballo que a Consellería de Medio Rural e do Mar constituíu xunto cos tres grupos parlamentarios.
Os populares piden que unha vez aprobado este texto no Pleno do Parlamento se dea traslado do mesmo ao Consello Galego de Pesca -máximo órgano consultivo do sector na nosa comunidade e no que están representados todos os ámbitos e axentes protagonistas do sector do mundo do mar- para a súa análise e consideración á hora de emitir a opinión conxunta do sector marítimo – pesqueiro e acuícola galego.
Balseiro Orol explicou, en definitiva, que a intención do PPdeG é que Galicia acuda diante das institucións comunitarias “cunha soa voz, firme e unitaria, do mesmo xeito que se fixo para o Libro Verde”, no que “todos os subsectores da pesca cederon un pouco do seu para gañar en conxunto” e amosou a súa confianza na capacidade de Galicia para elaborar un documento consensuado.
INTRANSIXENCIA NACIONALISTA
A intención inicial do Grupo Parlamentario Popular e da propia Xunta era que o ditame xurdira tamén dunha proposta conxunta das tres forzas políticas parlamentarias. Pero a intransixencia do BNG, que incluso demoraba a achega das súas propostas no marco do Grupo de Traballo parlamentario, obrigou aos populares a presentar como propio este ditame, que agora poderá ser mellorado, no seu caso, tanto no trámite parlamentario como tras a análise que del fagan no Consello Galego de Pesca.
Jose Manuel Balseiro lamentou que os nacionalistas foran un obstáculo para acadar un acordo, aínda a pesar de que estaban dispostos a asumir máis do 90% do ditame e sinalou que desde o primeiro momento “tivemos a impresión de que os nacionalistas non quería chegar a ningún tipo de acordo, pese a importancia que este debate ten para o futuro dos profesionais do mar en Galicia”.
Balseiro tamén indicou que esta posición intransixentes dos nacionalistas levou ao PSOE a negarse a asinar un documento que deixaba en evidencia a soidade do BNG, pero “agardamos e non descartamos a posibilidade de chegar a acordos cos socialistas durante o debate plenario”
PROPOSTAS DE GALICIA
O ditame sinala que de aprobarse a proposta de reforma da Política Pesqueira Común que trasladou a todos os Estados membros a Comisión Europea, suporía dar carta de natureza a asuntos claramente lesivos para Galicia. “Neste senso, son paradigmáticos aspectos coma a mantenza da estabilidade relativa (que discrimina clara, seria e inxustamente a Galicia), a determinación de aplicación de criterios técnicos coma o alcance do RMS en 2015 ou a consolidación dun modelo de xestión, o de TAC e cotas, que non responde a un sistema eficaz de regulamento do estado dos recursos, de control sinxelo e de adecuación a novas propostas coma a de minoración e eliminación de descartes.
Como alternativa da proposta comunitaria os populares defenden múltiples aspectos como son: o necesario equilibrio dos aspectos social, económico e da sustentabilidade ambiental nos aspectos que recolla a futura normativa, a flexibilización do obxectivo de Rendemento Máximo Sostible, a articulación de medidas de axuda e apoio nas políticas de minoración de descartes, a introdución das concesións de pesca transferibles, a derrogación da estabilidade relativa, unha política de adecuación dos niveis de flota, o reforzo do papel dos Consellos Consultivos Rexionais, a mellora do fondo europeo de pesca e da estrutura de mercados pesqueiros e a identificación e recoñecemento das especificidades da flota costeira artesanal e do marisqueo galego.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
